చిన్న సినిమాలను థియేటర్లలోనే కాదు స్ట్రీమింగ్ లో పెట్టినా చిన్న చూపు చూస్తుంటారు. ఫ్రీగా చూడ్డానికి కూడా కొన్ని సినిమాల విషయంలో జనం చాలా లెక్కలు వేస్తుంటారు. అయితే ఇప్పుడు ఇంట్లోనే బంధించి పెట్టడంతో ప్రపంచ వ్యాప్తంగా ఉన్న తెలుగు వాళ్ళకి ఏ కంటెంట్ దొరికినా చూసేస్తున్నారు.
ఈ టైములో వచ్చిన ఓ పిట్ట కథ, రాజావారు రాణిగారు చిత్రాలను ఎక్కువమంది చూస్తున్నారు. అనుకున్నదొక్కటి అయినది ఒక్కటి సినిమా కూడా అందుబాటులో ఉన్నా కానీ అడల్ట్ కంటెంట్ కావడం వల్ల ఈ చిన్న సినిమాలకి ఎక్కువ వ్యూస్ వస్తున్నాయి. ఇప్పుడు నాని నిర్మించిన హిట్ నెట్ లో పెట్టడంతో దానిని ఎగబడి చూస్తున్నారు.
ఈ టైం లో పెద్ద సినిమాలేవీ లేకపోవడం, సరిలేరు నీకెవ్వరు, అల వైకుంఠపురములో లాక్ డౌన్ కి ముందే రావడంతో చిన్న సినిమాలు ప్రస్తుతం పండగ చేసుకుంటున్నాయి. ఈ సినిమాలకి దక్కుతున్న ఆదరణ చూసి కొన్ని చిన్న సినిమాలను థియేటర్లలో విడుదల చేయకుండా డైరెక్ట్ స్ట్రీమింగ్ లో పెట్టేస్తే ఎలా ఉంటుందనే ఆలోచనలో పలువురు నిర్మాతలున్నారు.
