మురుగ‌దాస్ ద‌ర్శ‌క‌త్వంలో మహేష్ బాబు చేస్తున్న లేటెస్ట్ మూవీ షూటింగ్ ఆరంభ‌మై ఏడెనిమిది నెల‌ల‌వుతోంది. కానీ ఇప్ప‌టిదాకా దాని టైటిలేంటో వెల్ల‌డి కాలేదు. ఐతే మహేష్ ఇంకా మొద‌లుపెట్ట‌ని కొరటాల శివ సినిమాకు మాత్రం టైటిల్ ఖ‌రారైపోయింది. ఈ చిత్రానికి ‘భ‌ర‌త్ అను నేను’ అనే టైటిల్ ప్ర‌చారంలో ఉన్న సంగ‌తి తెలిసిందే.
ఇది అఫీషియ‌ల్ టైటిలే అని మ్యూజిక్ డైరెక్ట‌ర్ దేవిశ్రీ ప్ర‌సాద్ మాట‌ల్ని బ‌ట్టి రూఢి అయిపోయింది. మహేష్-కొరటాల సినిమాకు దేవిశ్రీ ఆల్రెడీ మ్యూజిక్ సిట్టింగ్స్ కూడా మొద‌లుపెట్టేయ‌డం విశేషం. కొర‌టాలతో క‌లిసి సంగీత చ‌ర్చ‌ల్లో ఉన్న ఫొటోల్ని ట్విట్ట‌ర్లో షేర్ చేసిన దేవి.. త‌న ట్వీట్‌కు ‘భ‌ర‌త్ అను నేను’ అనే హ్యాష్ ట్యాగ్ కూడా జోడించాడు. దీంతో ఈ టైటిల్ అఫీషియ‌లే అని క‌న్ఫ‌మ్ అయిపోయింది. ఈ చిత్రానికి ఛాయాగ్ర‌హ‌ణం అందించ‌నున్న ర‌వి.కె.చంద్ర‌న్ కూడా మ్యూజిక్ సిట్టింగ్స్‌లో పాల్గొన‌డం విశేషం.
ఈ సినిమాలో మహేష్ ముఖ్యమంత్రి పాత్ర పోషిస్తాడని అంటున్నారు. ‘శ్రీమంతుడు’ తరహాలోనే మరో ఉదాత్తమైన కథాంశాన్ని మహేష్ కోసం రెడీ చేశాడట కొరటాల. ఈ చిత్రాన్ని యూనివర్శల్ మీడియా పతాకంపై డీవీవీ దానయ్య నిర్మించనున్నాడు. ప్ర‌స్తుతం మురుగ‌దాస్ సినిమాను పూర్తి చేసే ప‌నిలో ఉన్న మహేష్.. వ‌చ్చే నెల‌లో కొర‌టాలతో మూవీని మొద‌లుపెట్టే అవ‌కాశముంది.
