బోల్డ్ మూవీ అంటే.. సినిమా నిండా ముద్దులు, ఇంటిమేట్ సీన్లే ఉండాల్సిన పని లేదు. క్యారెక్టర్ల తీరు, వాటి ఆలోచన విధానం.. కథ కూడా బోల్డ్‌గా ఉండొచ్చు. ఇటీవల డైరెక్ట్ ఓటీటీ రిలీజ్‌తో చక్కటి స్పందన రాబట్టుకున్న ‘కృష్ణ అండ్ హిజ్ లీల’ ఈ కోవలోనిదే. అందులో హీరో ఒకే సమయంలో ఇద్దరు అమ్మాయిలతో రిలేషన్‌షిప్ మెయింటైన్ చేస్తూ.. ఎవరితో కంటిన్యూ అవ్వాలో, ఎవరిని విడిచి పెట్టాలో తెలియక కన్ఫ్యూజ్ అవుతుంటాడు.
వినడానికి ఎబ్బెట్టుగా అనిపించినప్పటికీ.. ఈ కథను కన్విన్సింగ్‌గా చెప్పి, సినిమాను వినోదాత్మకంగా మలిచి ప్రేక్షకులను మెప్పించాడు యువ దర్శకుడు రవికాంత్ పేరెపు. ఓటీటీలకు బాగా నప్పే ఇలాంటి సినిమాలు మరిన్ని టాలీవుడ్లో తెరకెక్కుతున్నాయి. ఈ కోవలో రానున్న కొత్త చిత్రం.. లవ్ లైఫ్ అండ్ పకోడి.
బిమల్, సంచిత అనే కొత్త హీరో హీరోయిన్లతో జయంత్ గాలి అనే నూతన దర్శకుడు స్వీయ నిర్మాణంలో రూపొందించిన చిత్రమిది. మధుర శ్రీధర్ రెడ్డి సమర్పకుడు. రానా దగ్గుబాటి ఈ చిత్ర ట్రైలర్‌ను లాంచ్ చేశాడు. సినిమా విశేషాల్లోకి వెళ్తే.. ఓపెనింగ్ డైలాగ్‌తోనే ఈ చిత్రం ఎంత బోల్డ్‌గా ఉంటుందో చెప్పేశాడు దర్శకుడు.
