ప్రభాస్ – నాగ్ అశ్విన్ సినిమాలో బిగ్ బి రోల్ పై క్లారిటీ!

రెబెల్ స్టార్ ప్రభాస్ ప్రస్తుతం వరసగా ఎగ్జైటింగ్ సినిమాలను లైన్లో పెట్టిన విషయం తెల్సిందే. రాధే శ్యామ్ తర్వాత నాగ్ అశ్విన్ చిత్రంలో నటించనున్నట్లు తెలుస్తోంది. ఇది ఒక సైన్స్ ఫిక్షన్ థ్రిల్లర్. ఇప్పటికే దీపికా పదుకొనె ఈ సినిమాలో హీరోయిన్ అని అధికారికంగా ప్రకటించారు. ఇక నిన్న ఈ చిత్రానికి సంబంధించిన మరో అప్డేట్ అందరికీ సర్ప్రైజింగ్ గా అనిపించింది. అదే ఈ చిత్రంలో బిగ్ బి అమితాబ్ బచ్చన్ కీలక పాత్రలో నటించనుండడం.

అయితే ఈ అప్డేట్ వచ్చినప్పుడు అందరూ ఇందులో అమితాబ్ ది కామియో పాత్ర అనే అనుకున్నారు. కానీ నాగ్ అశ్విన్ ఈ విషయంపై పూర్తి క్లారిటీ ఇచ్చాడు. అందరూ అనుకుంటున్నట్లు ఇది కామియో పాత్ర కాదని, చాలా ముఖ్యమైన పాత్రనే చేస్తున్నాడని తెలిసింది. దాదాపు 40 రోజుల పాటు అమితాబ్ ఈ సినిమా కోసం పనిచేయనున్నాడట. ఈ చిత్రం తన కెరీర్ కు చాలా స్పెషల్ చిత్రం అవుతుందని తెలిపాడు అమితాబ్. దీన్ని బట్టి బిగ్ బి పాత్రకు ఉన్న ప్రాముఖ్యత ఎంతో అర్ధం చేసుకోవచ్చు.

ఏదేమైనా ప్రభాస్, దీపికా, అమితాబ్ ల కాంబినేషన్ వింటుంటేనే ఇలా ఉంటే ఇక పెద్ద తెరపై ఎలా ఉంటుందో చూడాలి.