ఎనర్జిటిక్ స్టార్ తో మాటల మాంత్రికుడి చిత్రం?

మాటల మాంత్రికుడు త్రివిక్రమ్ శ్రీనివాస్ ఈ లాక్ డౌన్ ను సూపర్బ్ గా ఉపయోగించుకున్నాడు. లాక్ డౌన్ కు ముందే ఎన్టీఆర్, త్రివిక్రమ్ శ్రీనివాస్ దర్శకత్వంలో చిత్రం అనౌన్స్మెంట్ జరిగిన విషయం తెల్సిందే. హారిక అండ్ హాసిని సంస్థ ఈ చిత్రాన్ని నిర్మించనుంది. లాక్ డౌన్ సమయంలో ఈ చిత్ర స్క్రిప్ట్ ను పూర్తి చేసాడు త్రివిక్రమ్.

అయితే ఎన్టీఆర్ నటిస్తోన్న ఆర్ ఆర్ ఆర్ షూటింగ్ ఆలస్యమవుతుండడంతో ఇటు త్రివిక్రమ్ సినిమా కూడా వెనక్కి జరుగుతోంది. ప్రస్తుతం ఉన్న పరిస్థితుల ప్రకారం చూసుకుంటే వచ్చే సమ్మర్ వరకూ ఎన్టీఆర్ ఆర్ ఆర్ ఆర్ నుండి ఫ్రీ అయ్యే అవకాశం ఉండకపోవచ్చు.

అందుకే త్రివిక్రమ్ శ్రీనివాస్ ఈలోగా మరో సినిమాను చేయాలని డిసైడ్ అయ్యాడు. అందుకే ఎనర్జిటిక్ స్టార్ రామ్ తో ఒక సినిమాను ప్లాన్ చేసాడు. పూర్తి వినోదాత్మకంగా రామ్ తో చేయబోయే సినిమా స్క్రిప్ట్ ను డిజైన్ చేసాడు. రామ్ కూడా త్రివిక్రమ్ తో సినిమా చేయడం పట్ల ఆసక్తిగానే ఉన్నాడు.

వచ్చే ఏడాది ఆరంభంలో సినిమాను పూర్తి చేసి సమ్మర్ కల్లా షూటింగ్ ను పూర్తి చేసి విడుదల చేయాలన్నది ప్లాన్. మరి చూడాలి త్రివిక్రమ్ ప్లాన్ ఎంత వరకూ వర్కౌట్ అవుతుందో.