స్వతంత్ర్య పోరాటం బ్యాక్ డ్రాప్ లో తెరకెక్కిన ‘ఆర్ఆర్ఆర్’ ఇండియాలో బ్లాక్ బస్టర్ అయింది. రెండు వేర్వురు కాలాలకు చెందిన ఇద్దరు సమరయోధులు కలిస్తే ఎలా ఉంటుందనే రాజమౌళి కాల్పానిక ఆలోచన నుంచి పుట్టిందే ‘ఆర్ఆర్ఆర్(రౌద్రం రణం రుధిరం). నిర్మాత డీవీవీ దానయ్య భారీ బడ్జెట్లో ‘ఆర్ఆర్ఆర్’ మూవీని నిర్మించారు.
మల్టీస్టారర్ ప్యాన్ ఇండియా స్థాయిలో తెరకెక్కిన ఈ మూవీ విడుదలైన అన్ని భాషల్లో కలెక్షన్ల పరంగా మంచి వసూళ్లను రాబట్టింది. తెలుగు రాష్ట్రాల్లో ‘ఆర్ఆర్ఆర్’కు టికెట్ రేటు పెంచుకునే అవకాశం రావడం కూడా ఈ సినిమాకు భారీగా కలిసి వచ్చింది. ఇక ఈ మూవీని జపాన్ భాషలో విడుదల చేసేందుకు ‘ఆర్ఆర్ఆర్’ టీం అన్ని ఏర్పాట్లను చేసుకుంది.
ఈక్రమంలోనే దర్శక దిగ్గజం రాజమౌళి మెగా పవర్ స్టార్ రాంచరణ్ యంగ్ టైగర్ ఎన్టీఆర్ తమ కుటుంబాలతో కలిసి జపాన్లోని టోక్యోలో పర్యటిస్తున్నారు. ఓవైపు సినిమా ప్రమోషన్స్ చేస్తూ మరోవైపు హాలీడే ట్రిప్ ను ఎంజాయ్ చేస్తున్నాడు. వరుసగా డిన్నర్లు ఫొటో సెషన్స్ మీడియా మీటింగులతో వారంతా సందడి గడుపుతున్నారు.
మెగా పవర్ స్టార్ రాంచరణ్ ఉపాసన నందమూరి ఎన్టీఆర్ ప్రణతీ దర్శక దిగ్గజం రాజమౌళి రమలకు జపాన్ వాసులు ఘన స్వాగతం పలికారు. రాంచరణ్ దంపతులు జపాన్లోని టోక్యోలోని ఇండియా ఇంటర్నేషనల్ స్కూల్ను సందర్శించారు. వీరికి అక్కడి తమ పెంపుడు జంతువు రైమ్ను పోలి ఉండే బొమ్మలను బహుమతులుగా ఇచ్చారు.
అదేవిధంగా ఎన్టీఆర్ దంపతులు టోక్యోలోని ఒక హోటల్లో బస చేసేందుకు వెళ్లగా అక్కడి సిబ్బంది వారికి సాదరస్వాగతం పలికారు. ఎన్టీఆర్ తో సెల్పీలు ఆటోగ్రాఫులు తీసుకునేందుకు ఉత్సాహం చూపారు. వీరితో ఎన్టీఆర్ కాసేపు సరదాగా గడిపారు. ఇందుకు సంబంధించిన పిక్స్ సోషల్ మీడియాలో వైరల్ గా మారాయి.
తాజాగా ఉపాసన తన ట్వీటర్లో ‘ఇట్స్ షో టైం’ అంటూ ఇన్ స్ట్రాలో పోస్టు చేసింది. టోక్యోలో ‘ఆర్ఆర్ఆర్’ మూవీ ప్రీమియం షోను అభిమానులతో కలిసి వీరంతా తిలకించనున్నారు. ఈక్రమంలోనే నందమూరి ప్రణతి రమ రాజమౌళిలతో ఉపాసన దిగిన ఓ ఫొటోను ఇన్ స్ట్రాలో పోస్టు చేసింది. ఈ పిక్ కు సుమారు లక్ష మంది లైక్ చేశారు.
అలాగే నందమూరి ఎన్టీఆర్ రాజమౌళి రాంచరణ్ లు కలిసి దిగిన ఫొటోను సైతం ఉపాసన పోస్టు చేసింది. ఈ రెండు ఫొటోలను చూసిన అభిమానులు ‘ఆర్ఆర్ఆర్’ ప్రమోషన్స్ వేరే లెవల్ అంటూ కామెంట్స్ చేస్తున్నారు.
