సల్మాన్ ఖాన్-కత్రినా కైఫ్ జంటా మనీశ్ శర్మ దర్శకత్వంలో స్పై థ్రిల్లర్ ‘టైగర్ -3’ తెరకెక్కుతోన్న సంగతి తెలిసిందే. గూడాచారి చిత్రాల సిరీస్ లో ఇది మూడవది. తొలి రెండు భాగాలు భారీ విజయం సాధించడం తో థర్డ్ సిరీస్ పై అంచనాలు భారీగా ఏర్పడుతున్నాయి. యశ్ రాజ్ ఫిలింస్ చిత్రాన్ని అంతే ప్రతిష్టాత్మ కంగా నిర్మిస్తుంది. నిర్మాణ పరంగా ఎక్కడా రాజీ పడటం లేదు. ఈ సిరీస్ లో యాక్షన్ సన్నివేశాలు ఎప్పుడూ హైలైట్. వాటి కోసం కోట్ల రూపాయాలు ఖర్చు చేస్తుంటారు.
భారీ బ్లాస్టింగ్ సీన్స్..ఛేజింగ్ సీన్స్ కోసం డబ్బు మంచి నీళ్లలో ఖర్చు చేస్తుంటారు. తాజాగా ‘టైగర్ -3’ కోసం ఏకంగా హాలీవుడ్ స్టంట్ మాస్టర్ నే రంగంలోకి దించారు. ప్రఖ్యాత హాలీవుడ్ కొరియోగ్రాఫర్ క్రిస్ బార్న్స్ ని ముంబై కి రప్పిస్తున్నారు. యాక్షన్ సన్నివేశాలు డిజైన్ చేయడంలో పెట్టింది పేరు ఈయన.
అందులోనూ నావికాదళ పోరాట సన్నివేశాలు కంపోజ్ చేయడంలో స్పెషలిస్ట్. ‘జోకర్’..’డాక్టర్ స్ట్రేంజ్’..’స్పైడర్ మ్యాన్’.. ‘ఫార్ ఫ్రం హోమ్’..’అవెంజెర్స్’ లాంటి ఎన్నో హాలీవుడ్ సినిమాలకు కొరియోగ్రఫీ చేసారు.
ఇప్పుడు ‘టైగర్ -3’ యాక్షన్ చిత్రాలకు పోరాట సన్నివేశాలే కీలకం. ఈ విషయంలో యశ్ రాజ్ ఫిలింస్ 100 శాతం ఎఫెర్ట్ పెట్టి పనిచేయడానికి సిద్దంగాఈ ఉంది. దీనిలో భాగంగా హాలీవుడ్ మాస్టర్ ని రంగంలోకి దించుతున్నారు. ఆయన రాకతో సినిమా రేంజ్ కూడా మారిపోతుంది.
యాక్షన్ సన్నివేశాలకు ప్రేక్షకులకు కొత్త అనుభూతినివ్వడం ఖాయం. సినిమా ఎలా ఉన్నా క్రిస్ డిజైన్ చేసిన యాక్షన్ సన్నివేశాలు చూడటం కోసమైనా థియేటర్ కి వెళ్లే ప్రేక్షకులు ఎంతో మంది ఉన్నారు.
ఇందులో ఇమ్రాన్ హష్మి విలన్ గా నటిస్తున్నాడు. సల్మాన్ తో అతని భారీ పోరాటాలు ఆకట్టుకోవడం తప్పనిసరి. ఈ నేపథ్యంలో క్రిస్ అతి త్వరలోనే ముంబైలో ల్యాండ్ కానున్నాడని తెలుస్తోంది. ప్రస్తుతం టైగర్ -3 బృందం యాక్షన్ సన్నివేశాలకు సంబంధించిన పనుల్లోనూ బిజీ అయినట్లు సమాచారం.
