తెలుగమ్మాయి అంజలి తమిళంలో స్టార్‌ హీరోయిన్ గా వరుసగా సినిమాలు చేస్తూ దూసుకు పోతుంది. ఈ అమ్మడు త్వరలో తెలుగు ప్రేక్షకుల ముందుకు వకీల్ సాబ్ సినిమాతో రాబోతున్న విషయం తెల్సిందే. భారీ అంచనాల నడుమ రూపొందుతున్న వకీల్ సాబ్ సినిమా ప్రమోషన్‌ లో భాగంగా అంజలి గత మూడు నాలుగు రోజులుగా మీడియాతో వరుసగా ఇంట్రాక్ట్‌ అవుతుంది. ఇంటర్వ్యూ సందర్బంగా అంజలి తన ప్రేమ వ్యవహారంపై వస్తున్న వార్తలపై క్లారిటీ ఇచ్చింది.
గతంలో జర్నీ సినిమాలో అంజలి తమిళ హీరో జై తో కనిపించింది. అతడితో కొన్నాళ్ల పాటు ప్రేమలో ఉంది. ప్రేమ కొన్ని కారణాల వల్ల విఫలం అయ్యింది. తాజాగా వకీల్ సాబ్ ఇంటర్వ్యూలో మాట్లాడుతూ… ఔను నేను ప్రేమలో విఫలం అయ్యాను. ఒకప్పుడు నేను ఒక వ్యక్తిని చాలా ఎక్కువగా ఇష్టపడ్డాను. కాని మా బందం సఫలం కాలేదు. ఒక వేళ మా బంధం ఇంకా కొనసాగుతూ ఉంటే తప్పకుండా మీకు ఆ వ్యక్తిని పరిచయం చేసేవాడిని అంది. ఇక ప్రస్తుతానికి తాను సింగిల్ గానే ఉన్నాను అని పెళ్లి ఆలోచన లేదని క్లారిటీ ఇచ్చింది.
