యంగ్ రెబల్ స్టార్ ప్రభాస్ అంటే సాధారణ ప్రేక్షకులకు మాత్రమే కాకుండా చాలా మంది సెలబ్రెటీలకు కూడా ప్రత్యేకమైన అభిమానం ఉంటుంది. ఒక స్టార్ గా.. పాన్ ఇండియా సూపర్ స్టార్ గా ఎప్పుడు కూడా ప్రభాస్ గర్వం ప్రదర్శించడు. చిన్న నటుడి వద్ద కూడా వినయంగా మాట్లాడటం.. గౌరవంగా పలకరించడం కేవలం ప్రభాస్ కి మాత్రమే సాధ్యం.
ప్రభాస్ తో వర్క్ చేసిన వారు అంతా కూడా ఏదో ఒక సమయంలో కచ్చితంగా ఆయన బాహుబలి విందును టేస్ట్ చేయాల్సిందే. సాధారణంగా అయితే ప్రభాస్ సినిమా షూటింగ్ జరుగుతున్నన్ని రోజులు కూడా యూనిట్ లో దాదాపుగా సగం మందికి కూడా ఆయన ఇంటి నుండి ఫుడ్ వస్తూనే ఉంటుంది.
బాలీవుడ్ నుండి టాలీవుడ్ వరకు ఎంతో మంది స్టార్స్ మరియు ప్రముఖులు కూడా ప్రభాస్ విందును ఆస్వాదించి సోషల్ మీడియాలో ఆ ఫోటోలు షేర్ చేసిన సందర్భాలు చాలా ఉన్నాయి.
ఈ మధ్య కాలంలో పాన్ ఇండియా సినిమాలను వరుసగా ప్రభాస్ చేస్తూ ఉన్నాడు.. ఆ సినిమాల్లో నటిస్తున్న హీరోయిన్స్ మరియు దర్శకులు ఇతర టెక్నీషియన్స్ అంతా కూడా ప్రభాస్ విందుని ఆస్వాదిస్తూనే ఉన్నారు.
బాలీవుడ్ మెగాస్టార్ అమితాబ్ బచ్చన్.. దీపికా పదుకునే.. దిశా పటానీ.. కృతి సనన్.. శ్రద్ద కపూర్ ఇంకా పలువురు కూడా ప్రభాస్ విందును ఆస్వాదించాం అంటూ సోషల్ మీడియాలో ఫోటోలు షేర్ చేసి నెటిజన్స్ ని ఊరించారు. ప్రభాస్ ఫుడ్ మెనూలో కనీసం పది నుండి పదిహేను వంటకాలు కచ్చితంగా ఉంటాయి.
ఆయన ఇచ్చిన విందు లో ఏ వంటకం తో తినాలో అర్థం కాక ఉంటుందట. ప్రతి ఒక్కటి కూడా రుచిగా ఉండి.. అన్ని తినాలి అన్నట్లుగా ఉంటుందని అంటారు. ప్రభాస్ మంచి మనసు మాదిరిగా ఆయన ఇచ్చే విందు కూడా అంతే బాగుంటుంది అంటూ ఆయన విందు స్వీకరించిన వారు అంటూ ఉంటారు.
