తన సినిమా షూటింగ్ కోసం పవన్ ఇప్పటికే బల్గేరియా వెళ్లిన విషయం తెలిసిందే. ఆల్రెడీ అక్కడ షూటింగ్ కూడా స్టార్టయింది. ఇప్పుడిదే షెడ్యూల్ లో పాల్గొనేందుకు హీరోయిన్ అను ఎమ్మాన్యుయేల్ కూడా యూరోప్ బయల్దేరింది. నిన్న సాయంత్రం విమానం ఎక్కేసిన ఈ ముద్దుగుమ్మ.. ఈరోజు నుంచి షూటింగ్ లో పాల్గొంటుంది.
పవన్ సినిమాకు నవంబర్ 12వరకు కాల్షీట్లు ఇచ్చింది అను. ఈ షెడ్యూల్ లో పవన్-అనుపై ఓ సాంగ్ తీయబోతున్నారు. త్వరలోనే మరో హీరోయిన్ కీర్తి సురేష్ కూడా యూరోప్ షెడ్యూల్ లో పొల్గొంటుంది. పవన్-కీర్తి సురేష్ పై కూడా ఓ సాంగ్ తీస్తారు. దీంతో పాటు యూరోప్ లోనే పవన్ పై ఓ యాక్షన్ బ్లాక్ కూడా ప్లాన్ చేశారు.
ఈ భారీ షెడ్యూల్ తో టోటల్ సినిమా షూటింగ్ కంప్లీట్ చేయాలని టార్గెట్ గా పెట్టుకుంది యూనిట్. ప్యాచ్ వర్క్స్ ఏమైనా ఉంటే హైదరాబాద్ లో పూర్తిచేసి.. నవంబర్ ఎండింగ్ నుంచి పోస్ట్ ప్రొడక్షన్ లోకి వెళ్లిపోవాలని డిసైడ్ అయింది.
ఇక ఈ సినిమా ఫస్ట్ లుక్ ను త్రివిక్రమ్ పుట్టినరోజు సందర్భంగా నవంబర్ 7న విడుదల చేయాలని అనుకుంటున్నారు. మూవీకి అజ్ఞాతవాసి అనే టైటిల్ ను ఫిక్స్ చేసిన విషయం తెలిసిందే. సంక్రాంతి కానుకగా జనవరి 10న సినిమాను రిలీజ్ చేస్తారు.
