టాలీవుడ్ యంగ్ హీరో రాజ్ తరుణ్.. ఒకప్పుడు టాలీవుడ్కు ఉవ్వెత్తున దూసుకొచ్చిన యువ కెర‌టం. ‘ఉయ్యాల జంపాల’తో ఎంట్రీ ఇచ్చిన ఈ కుర్ర హీరో.. ‘సినిమా చూపిస్తా మావ’, ‘కుమారి 21 ఎఫ్’, ‘నాన్న నేను నా బాయ్ ప్రెండ్’, ‘కిట్టు ఉన్నాడు జాగ్ర‌త్త’ లాంటి చిత్రాలతో తన సక్సెస్ను కొనసాగించారు. అయితే ఇప్పుడాయన.. మొదట్లో అందుకున్న విజయాలను ఇప్పుడు అందుకోలేక సతమతమవుతున్నారు.
మొదట్లో తాను అందుకున్న రేంజ్ సకెస్స్ను ముద్దాడానికి ఎంతో కాలంగా తెగ కష్టపడుతున్నారు. ఒక్క హిట్టై కొట్టి మళ్ళీ తన క్రేజ్ పెంచుకోవాలని గట్టిగా ప్రయత్నిస్తున్నారు. అయితే ఇప్పుడాయన నుంచి రెండు కొత్త చిత్రాలు రాబోతున్నాయి. వాటిలో ‘మాస్ మహారాజు’ ఒకటి. మరో హీరో ‘జార్జ్ రెడ్డి’ ఫేమ్ సందీప్‌మాధవ్‌ కలిసి ఈ సినిమా చేస్తున్నారు. ఈ సినిమా ఎప్పుడో చాలా కాలం క్రితమే అనౌన్స్ చేశారు. కానీ అనుకోని కారణాలు వల్ల ఆలస్యంగా షూటింగ్ జరుపుకుంటూ వస్తోంది.
తాజాగా ఈ సినిమాకు సంబంధించి ఓ అప్డేట్ వచ్చింది. భిన్న కాన్సెప్ట్తో రానున్న ఈ సినిమా చిత్రీకరణ చివరి షెడ్యుల్కు చేరుకుంది. ప్రస్తుతం ఈ షెడ్యూల్ షూటింగ్ శరవేగంగా జరుగుతోంది. సన్ రైజ్ ఎంటర్టైన్మెంట్ బ్యానర్పై నిర్మాత స్వాతి రాజు నిర్మిస్తున్నారు. ఈ చిత్రానికి సి.హెచ్.సుధీర్ రాజు దర్శకత్వం వహిస్తున్నారు. మణిశర్మ సంగీతం అందిస్తున్నారు. గదర్ 2 హీరోయిన్ సిమ్రత్ కౌర్, బిచ్చగాడు ఫేమ్ సట్న టీటస్, సంపద హీరోయిన్స్గా నటిస్తున్నారు. ఇంకా ఈ చిత్రంలో రాజా రవీంద్ర, రవి శంకర్, షఫీ, శివరామరాజు వెంకట్, సత్యం రాజేష్, ధనరాజ్, రచ్చ రవి, ఐశ్వర్య ఇతరులు నటిస్తున్నారు.
ఈ చిత్రంలో రాజ్ తరుణ్, సందీప్ మాధవ్ డిఫరెంట్ లుక్స్లో కనిపించబోతున్నారట. 1980 బ్యాక్ డ్రాప్లో సినిమా రాబోతుంది. ఈ చిత్రంలో యాక్షన్తో పాటు ఫ్యామిలీ ఎలిమెంట్స్ ఉంటాయని చిత్రబృంంద చెబుతోంది. త్వరలో విడుదల తేదీని ప్రకటించనున్నారు.
ఇక ఈ చిత్రంతో పాటు రాజ్ తరుణ్.. ‘తిరగబడరా సామి’ అనే చిత్రంలోనూ నటిస్తున్నారు. రాజ్తరుణ్తో పాటు మాల్వీ మల్హోత్రా, మన్నారా చోప్రా హీరోహీరోయిన్లుగా నటించారు. ఎ.ఎస్‌.రవికుమార్‌ చౌదరి తెరకెక్కించారు. రీసెంట్గా ఈ సినిమా టీజర్ కూడా విడుదలై ఆకట్టుకుంది. చూడాలి మరి ఈ రెండు చిత్రాలతో రాజ్ తరుణ్ ఎలాంటి ఫలితాన్ని అందుకుంటారో.
