బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 680 ఎపిసోడ్‌లను పూర్తి చేసుకుని.. 681 ఎపిసోడ్‌కి ఎంటర్ అయ్యింది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (డిసెంబర్ 18) రాత్రి ఎపిసోడ్‌లో ఏం జరగనుందో ‘సమయం’లో ముందుగానే మీకోసం.
గత ఎపిసోడ్‌లో ఏం జరిగిందంటే…
దీప ఇంట్లో సౌందర్య ఫ్యామిలీ మొత్తం నవ్వుతూ హ్యాపీగా ఉంటారు. సరోజా, లక్ష్మణ్(సరోజ మరిది)లు.. సాయం చేస్తుంటారు. లక్ష్మణ్ పెద్ద గిన్నే పొయ్యి మీద నుంచి దించుతాడు. అది చూసి సరోజా.. ‘అయ్యో లక్ష్మణ్(హార్ట్ఎటాక్ వచ్చిన మనిషి).. బరువు ఎత్తొద్దని నీకు డాక్టర్ బాబు చెప్పారుగా’ అంటూ చెమటలు తుడుస్తుంది. సరిగ్గా అప్పుడే వచ్చిన సరోజ భర్త.. ‘సూపర్’ అంటూ వెటకారం చేస్తాడు. ‘మరిదిని డైరెక్ట్‌గా తెచ్చుకుని.. ఇంట్లోనే.. రం** సాగిస్తున్నావ్’ అంటూ నోటికొచ్చినట్లు అనుమానపు మాటలు మాట్లాడతాడు. దాంతో సరోజా ఏడుస్తూ.. ‘పెద్దోళ్ల ముందు గొడవ ఎందుకయ్యా?’ అంటూ వేడుకుంటుంది. అయినా ఆ మనిషి ఆగడు. చెడ్డ మాటలు అంటూ.. సరోజా, లక్షణ్‌లకు సంబంధం ఉన్నట్లే మాట్లాడతాడు. దాంతో కార్తీక్ ఆవేశంగా.. అతడి కాలర్ పట్టుకుని.. ‘దేవతలాంటి భార్యను అంత మాట అంటావా?’ అంటూ తిట్టి, పంపించేస్తాడు.
వెటకారం ఏమైపోయింది మమ్మీ?
కార్తీక్ ఓ చెట్టుకుని ఆనకుని నిలడతాడు. వెనుక నుంచి వచ్చిన సౌందర్య.. ప్రేమగా కార్తీక్‌ని చూస్తూ.. ‘పెద్దోడా’ అని పిలుస్తుంది. కార్తీక్ షాకింగ్‌గా చూస్తాడు. ‘వెటకారంతో సుపుత్రా అనేవాడివి.. మమకారంతో పెద్దోడా అంటున్నావేంటీ మమ్మీ?’ అని అడుగుతాడు. ‘అది కాదురా పెద్దోడా? నీ సంస్కారం చూసి ముచ్చటేసిందిరా… ఆ సరోజక్క విషయంలో నువ్వు చూపించిన ఆవేశం నాకు బాగా నచ్చిందిరా.. మరి సరోజక్కలాంటి స్త్రీ మూర్తే కదరా ఆ దీప కూడా? మరి ఎందుకు దాని విషయంలో తప్పు చేస్తున్నావ్?’ అని అడుగుతుంది. దాంతో కార్తీక్ కూల్‌గా.. ‘మమ్మీ.. నీ వ్యక్తి వేరు మమ్మీ.. స్త్రీ మూర్తిని గౌరవిస్తావ్. స్త్రీ తప్పు చేయదనే ఆలోచనలోనే ఉంటావ్. అందుకే నీకు దీప చేసిన తప్పు గురించి నీకు తెలియట్లేదు. కానీ నేను అదంతా చూశాను మమ్మీ.. అది(దీప) నా నమ్మకాన్ని ముక్కలు చేసింది’ అంటూ ఉంటాడు.
సౌర్య రిక్వస్ట్
సౌందర్య, కార్తీక్‌లు మాట్లాడుకుంటూఉండగా.. సౌర్య.. ‘నాన్నమ్మా’ అని పిలుస్తుంది. దాంతో కార్తీక్, సౌందర్యలు వాళ్ల మాటలు వినేసిందేమోనని భయపడతారు. సౌర్య చాలా అమాయకంగా ముఖం పెట్టి.. ‘మీరంతా మా ఇంటికి వచ్చారు. మీరు లేకపోతే.. నేను మా అమ్మే ఉంటాం. చాలా బాధగా ఉండేది. ఇప్పుడు మీరంతా వచ్చారు కదా.. మిమ్మల్ని చూస్తుంటే.. ‘మా డాడీ, మా నాన్నమ్మా, ఓ చెల్లీ, బాబాయ్, పిన్నీ, తాతయ్యా అంతా ఉన్నట్లే ఉంది నాకు. ఈ కాసేపైనా మాతో ఉండడి. మాతో కలిసి తినండి..’ అంటూ చాలా ఎమోషనల్‌గా మాట్లాడుతుంది. దాంతో సౌందర్య, కార్తీక్ ఇద్దరూ సౌర్య మాటలకు కరిగి.. వెంటే వెళ్తారు.
భాగ్యం టెన్షన్
అన్నం ముందు పెట్టి.. ‘రావయ్యా అన్ని సర్ది పెట్టాను’ అంటూ అరుస్తుంది భాగ్యం తన భర్తని. అతడు రాకపోవడంతో. .అటూ ఇటూ తిరుగుతూ.. ‘అసలు దీప ఇంట్లో ఏం జరుగుతుందో ఏంటో..? అంతా కలిసి ఆ ఇంట్లో ఎలా తింటున్నారు..? ఏ గొడవ రాకుండా ఎలా ఉన్నారు?’ అంటూ టెన్షన్ పడుతూ ఉంటుంది. తనలో తనే మాట్లాడుకుంటూ.. ‘అసలు ఆ దీపకు విరక్తి పుట్టి.. నువ్వు వద్దు నువ్వు కట్టిన పుస్తులూ వద్దు అని అరిచి.. గొడవ పడితే బాగుంటుంది. విడాకులు వస్తే కోట్లు వస్తాయి..’ అనుకుంటూ.. ‘రావయ్యా ఆకలేస్తుంది..’ అని మళ్లీ భర్తని పిలుస్తుంది. అతడు రాకపోవడంతో అదే చైర్‌లో కూర్చుని తనే తనేస్తుంది. ఆ సీన్‌ కాస్త కామెడీగా ఉంటుంది.
దీప జీవితాన్ని నాశనం చేస్తా!
మౌనిత బాగా రగిలిపోతుంది. ప్రియమణి యాపిల్ తింటూ.. ‘దీని కోపం తగలయ్యా.. వంట మొత్తం పాడు చేసింది. ఇప్పుడు తినకపోతే నిద్రరాదు’ అని మనసులో అనుకుంటూ.. ‘అమ్మా.. మళ్లీ మంట పెట్టి మనకు వంట చేయమంటారా?’ అంటుంది. కానీ మౌనిత మాత్రం ఆవేశంగా.. ‘వాళ్లంతా దీపతో కలిసి నాకు ఆల్ రెడీ మంట పెట్టేశారు. ఈ మంట వంటతో తీరదు. తింటే తీరదు. బదులుగా ఏదో చేయాలి. ఆ దీపని నాశనం చేయాలి. ఆ కార్తీక్ మారడు. పిల్లలకోసం తగ్గుతూనే ఉంటాడు. అతడు ఓ సుపుత్రుడు, మంచి భర్త, మంచి తండ్రి అనిపించుకుంటూ ఉంటాడు. నేను ఊరుకోను’ అంటూ ఊగిపోతుంది.
సరోజక్క సంతోషం
క్యారేజ్ కట్టి.. భర్తకు ఇచ్చిన సరోజా.. చాటుగా వెళ్లి ‘థ్యాంక్స్ అయ్యా’ అంటుంది. ‘ఎందుకే నిన్ను అనుమానించినట్లు నటించినందుకా?’ అంటాడు సరోజ భర్త. ఇద్దరూ నవ్వుకుంటారు. ‘ఇప్పుడైనా ఆ డాక్టర్ బాబు మనసు మారుతుందయ్యా.. నువ్వు నన్ను అనకూడని మాటలు అంటుంటే ఆ బాబు ఆవేశం చూశావ్ కదా.. ఇప్పుడు దీప గురించి కూడా అలానే అర్థం చేసుకుని మారతాడు’ అంటూ నమ్మకంగా నవ్వుతుంది సరోజా. మళ్లీ తనే మాట్లాడుతూ.. ‘సరేనయ్యా.. నువ్వు తినేసి ఉండు. నేను మిగిలిన పనులు చూసుకుని వస్తాను’ అంటూ అక్కడ నుంచి వెళ్తుంది.
పండగ వాతావరణం
అంతా కలిసి తింటూ ఉంటారు. ఇటువైపు సౌందర్య, సౌర్య, కార్తీక్, హిమ కూర్చుని తింటుంటే.. వాళ్లకు ఎదురుగా.. ఆనందరావు, ఆదిత్య, శ్రావ్యలు తింటూ ఉంటారు. దీప చాలా సంబరంగా వడ్డీస్తూ ఉంటుంది. కార్తీక్ కూడా కూల్‌గా నవ్వుతూనే తింటాడు. లక్ష్మాణ్, వారణాసి వాళ్లని కూడా తమ కూర్చుని తినమని, సౌందర్య, కార్తీక్ చెబుతారు. ఇంతలో సరోజ కూడా.. ‘దీపా నువ్వూ కూర్చో’ అంటుంది. అయితే సౌందర్య మాత్రం సరోజతో చాటుగా.. ‘దాన్ని వడ్డించనీ’ అంటుంది. కాసేపటికి కార్తీక్ తినడం పూర్తి చేసి.. చేయి కడ్డుకోవడానికి వెళ్తాడు. వెంటనే సౌందర్య.. ‘వంటలక్కా.. చూడు’ అని సైగ చేస్తుంది. దాంతో దీప కార్తీక్ వెనుకే వెళ్తుంది.
దీప ప్రశ్నకు స్పందించని కార్తీక్
కార్తీక్ చేయి కడుక్కోవడానికి.. మగ్, టవల్ తీసుకెళ్తుంది దీప. మగ్ అందుకుని కూల్‌గా చేయి కడుక్కుంటున్న కార్తీక్‌తో.. ‘మీరు చాలా మంచివాళ్లు డాక్టర్ బాబు.. సరోజక్కని మీరు చాలా తక్కువ చూశారు. అలాంటిది తను ఎలాంటిదో అర్థం చేసుకున్న మీరు.. నేను మీతో కాపురం చేసినదాన్ని. నన్ను ఎందుకు తప్పుగా అర్థం చేసుకుంటున్నారు డాక్టర్ బాబూ?’ అంటుంది. కార్తీక్ దానికి సమాధానం చెప్పకుండా.. ‘చేయి కడిగేసుకున్నాను’ అంటాడు. వెంటనే చేతి టవల్ ఇస్తుంది దీప.
కార్తీక్ నిర్ణయాన్ని విన్న సౌర్య!
కార్తీక్ చాలా కూల్‌గా తుడుచుకుంటూ..‘చూడూ నేను వచ్చి తిన్నానంటే దానికి కారణం పిల్లలు. అంతే కానీ.. నువ్వు ఏం ఆశలు పెట్టుకోకు. మూడు రోజుల్లో విడాకులు నోటీస్ వస్తుంది. నువ్వు సంతకం పెట్టకపోయినా విడాకులు వచ్చేస్తాయి’ అంటాడు. అది విన్న దీప బాధగా చూస్తూ ఉంటుంది. చాటుగా వింటున్న సౌర్య.. కార్తీక్ మాటలకు షాక్ అవుతుంది. ‘ఈ విషయం మా వాళ్లకు చెప్పి.. వాళ్లకీ నాకు గొడవలు పెట్టకు’అని చెప్పి కార్తీక్ వెళ్లిపోతాడు.
హిమ హ్యాపీగా.. సౌర్య దిగులుగా..
హిమ సౌర్య పక్కకు వచ్చి.. ‘వంటలక్కకు మా డాడీని పెళ్లి చేసుకోవడం ఇష్టమే అనిపిస్తోంది..’ అంటుంది నవ్వుతూ.. సౌర్య మాత్రం చాలా బాధగా కూర్చుని.. ‘నాకు మాత్రం డాక్టర్ బాబుకి వంటలక్క అంటే ఇష్టంలేదనిపిస్తోంది. ఈ పెళ్లి జరుగదనిపిస్తోంది’ అంటుంది బాధగా.. (అంతకు ముందే దీపతో కార్తీక్ మాట్లాడిన మాటలను తలుచుకుంటూ) మరో పక్క దీప కూడా తన బాధను ముఖంలో కనిపించకుండా జాగ్రత్త పడుతూ ఉంటుంది. కార్తీక్ మాత్రం కూల్‌గా కాలు మీద కాలేసుకుని ఉంటాడు. మిగిలిన వాళ్లంతా చాలా హ్యాపీగా నవ్వుకుంటూ ఉంటారు. మరిన్ని వివరాలు తరువాయి భాగంలో చూద్దాం! కార్తీకదీపం కొనసాగుతోంది.
