అల్లు అర్జున్‌ హీరోగా సూపర్‌ హిట్స్‌తో దూసుకు పోతున్న ఈ సమయంలో ఆయన తమ్ముడు అల్లు శిరీష్‌ మాత్రం కనీసం హీరోగా కూడా గుర్తింపు దక్కించుకోలేక పోతున్నాడు. అల్లు అర్జున్‌ పాన్‌ ఇండియా సినిమాలు అంటూ ఉంటే శిరీష్‌ మాత్రం కనీసం తెలుగు ఆడిన్స్‌ను మెప్పించడంలో కిందా మీదా పడుతున్నారు. వరుసగా వస్తున్న ఫ్లాప్స్‌ కారణంగా ఏకంగా రెండేళ్ల గ్యాప్‌ను ఈసారి తీసుకుంటున్నాడు. సొంత నిర్మాణ సంస్థ ఉంది. వరుసగా సినిమాలు చేసే అవకాశం శిరీష్‌కు ఉంది. అయినా కూడా ఆయన మాత్రం చిన్నగా సక్సెస్‌ కోసం ప్రయత్నాలు చేస్తున్నాడు.
వరుసగా చిత్రాలు చేయడం కంటే మంచి సినిమాలు చేయాలనే ఉద్దేశ్యంలోనే ఆయన ఉన్నాడు. అందుకే ఒక్కో సినిమాకు చాలా గ్యాప్‌ తీసుకుంటున్నాడు. నిన్న మొన్నటి వరకు పలువురు దర్శకులు చెప్పిన కథలు విన్న అల్లు శిరీష్‌ తాజాగా బొమ్మరిల్లు భాస్కర్‌ కథకు ఓకే చెప్పినట్లుగా తెలుస్తోంది. చాలా గ్యాప్‌ తర్వాత బొమ్మరిల్లు భాస్కర్‌ ప్రస్తుతం అఖిల్‌తో మోస్ట్‌ ఎలిజబుల్‌ బ్యాచిలర్‌ చిత్రాన్ని చేస్తున్నాడు. ఆ సినిమాకు సంబంధించిన షూటింగ్‌ దాదాపుగా పూర్తి అయ్యింది. లాక్‌డౌన్‌ లేకుండా ఉంటే సినిమా విడుదల అయ్యేది కూడా. లాక్‌ డౌన్‌ ఎత్తివేసి షూటింగ్స్‌కు ఓకే చెప్పిన వెంటనే ఆ బ్యాలన్స్‌ వర్క్‌ను పూర్తి చేయనున్నారు.
మోస్ట్‌ ఎలిజబుల్‌ బ్యాచిలర్‌ పూర్తి అయిన వెంటనే అల్లు శిరీష్‌తో బొమ్మరిల్లు భాస్కర్‌ కొత్త సినిమా ప్రారంభం కాబోతుందట. అది కూడా గీతా ఆర్ట్స్‌లోనే ఉంటుందని తెలుస్తోంది. వరుసగా బొమ్మరిల్లు భాస్కర్‌ గీతాఆర్ట్స్‌లో రెండు సినిమాలు చేయబోతున్నాడు అంటున్నారు. కనుక అఖిల్‌తో సినిమా తర్వాత భాస్కర్‌ చేయబోతున్నది ఖచ్చితంగా అల్లు శిరీష్‌తోనే అంటున్నారు. యూత్‌ ఆడియన్స్‌ పల్స్‌ బాగా పట్టే బొమ్మరిల్లు భాస్కర్‌ ఒక విభిన్నమైన స్క్రిప్ట్‌ను శిరీష్‌ కోసం ఇప్పటికే రెడీ చేశాడట. ఈ చిత్రంతో అయినా శిరీష్‌ సక్సెస్‌ ఖాతా తెరిచేనో చూడాలి.
