బిగ్ బాస్ 4 ప్రస్తుతం ఆసక్తికరంగా మారింది. నాలుగో వారం నామినేషన్స్ లో ఏడుగురు ఉండగా అందులోనుండి ఎవరు వెళతారు అన్నది ఆసక్తికరంగా ఉంది. మూడో వారం దేవి ఎలిమినేట్ కావడానికి పవన్ కళ్యాణ్ ఫ్యాన్స్ ప్రధాన కారణమన్న ప్రచారం ఉంది. ఆమె పనిచేసే టివి9 పవన్ కు వ్యతిరేకంగా పనిచేస్తుంది కాబట్టి దేవికి వ్యతిరేకంగా వోటింగ్ పడడంలో పవన్ కళ్యాణ్ ఫాన్స్ కీలకంగా వ్యవహరించారు అని తెలుస్తోంది.
ఇక దేవి ఎలిమినేట్ అయిపోయింది కాబట్టి పవన్ నెక్స్ట్ టార్గెట్ ఎవరు అన్న చర్చ నడుస్తోంది. పవన్ కళ్యాణ్ ఫ్యాన్స్ తర్వాతి టార్గెట్ ఇస్మార్ట్ సోహైల్ అని సమాచారం. బిగ్ బాస్ కు వెళ్లే ముందు సోహైల్ ఇంటర్వ్యూ ఒకటి ఇప్పుడు వైరల్ అయింది. సోహైల్ వైఎస్ జగన్ కు విపరీతమైన అభిమాని అట. తన తండ్రి వైఎస్ రాజశేఖర్ రెడ్డికి అభిమాని అయితే తాను జగన్ కు అభిమాని అని, ఆయన పరిపాలన అద్భుతంగా ఉందని సోహైల్ పొగిడాడు. అలాగే ఈ కరోనా సమయంలో జగన్ ఇష్యూ ను హ్యాండిల్ చేయడం గొప్పగా ఉందని, ఆంధ్రప్రదేశ్ ఇండియాలో అత్యధిక టెస్టులు చేయడం దానికి నిదర్శనమని చెప్పుకొచ్చాడు సోహైల్.
సాధారణంగా పవన్ ఫ్యాన్స్ కు జగన్ ఫ్యాన్స్ కు పడదు. అందుకే సోహైల్ ను టార్గెట్ చేయాలని పవన్ ఫ్యాన్స్ భావిస్తున్నారు. మరోవైపు జగన్ ఫ్యాన్స్ ఏమైనా సోహైల్ కు బాసటగా నిలుస్తారేమో చూడాలి.
