పవర్ స్టార్ పవన్ కళ్యాణ్, మ్యాచో మ్యాన్ రానా దగ్గుబాటి కలిసి ఒక సినిమాలో నటించబోతున్న విషయం తెల్సిందే. ఈ చిత్రం అధికారికంగా మొన్న లాంచ్ అయింది. జనవరి నుండి రెగ్యులర్ షూటింగ్ ఉంటుందని ప్రకటించారు. ఈ చిత్రం మలయాళంలో సూపర్ హిట్ గా నిలిచిన అయ్యప్పనుమ్ కోశియుమ్ చిత్రానికి అధికారిక రీమేక్.
సాగర్ కె చంద్ర ఈ చిత్రాన్ని డైరెక్ట్ చేయనుండగా, సితార ఎంటర్టైన్మెంట్స్ సంస్థ నిర్మించనుంది. ఎస్ ఎస్ థమన్ సంగీత దర్శకత్వం వహిస్తున్నాడు. ఇంకా ఈ చిత్రానికి టైటిల్ ను అధికారికంగా ప్రకటించలేదు. ఈ నేపథ్యంలో రకరకాల రూమర్స్ వినిపిస్తున్నాయి.
మరోవైపు ఈ చిత్రానికి మెగాస్టార్ సినిమా టైటిల్ ను ఫిక్స్ చేయనున్నట్లు తెలుస్తోంది. చిరంజీవి సినిమాల్లో బిల్లా – రంగా చిత్రానికి మంచి క్రేజ్ ఉంది. ఇప్పుడు ఇదే టైటిల్ ను పవన్ – రానా సినిమాకు ఫిక్స్ చేస్తారని అంటున్నారు. అధికారిక సమాచారం మరికొద్ది రోజుల్లో వచ్చే అవకాశముంది.
