నందమూరి బాలకృష్ణ, బోయపాటిల కాంబోలో రూపొందుతున్న మూడవ సినిమా కోసం అభిమానులు ప్రేక్షకులు ఎంతో ఆసక్తిగా ఎదురు చూస్తున్నారు. ఈ సినిమా కరోనా కారణంగా ఆలస్యం అయ్యింది. ఇటీవలే షూటింగ్ పునః ప్రారంభం అయ్యింది. ఇటీవలే విడుదల తేదీని కూడా ప్రకటించారు. దాంతో సినిమా షూటింగ్ ను చకచక పూర్తి చేసే పనిలో దర్శకుడు ఉన్నట్లుగా తెలుస్తోంది. బాలయ్యకు జోడీగా ఎంతో మంది హీరోయిన్స్ ను సంప్రదించి చివరకు ముద్దుగుమ్మలు ప్రగ్యాజైస్వాల్‌ మరియు పూర్ణలను ఎంపిక చేయడం జరిగింది. ఈ సినిమాలో మూడవ హీరోయిన్‌ కూడా ఉంటుందని అంటున్నారు.
విశ్వసనీయంగా అందుతున్న సమాచారం ప్రకారం భారీ యాక్షన్‌ ఎంటర్‌ టైనర్‌ గా రూపొందుతున్న ఈ సినిమాలో ఒక ఐటెం సాంగ్ ను ప్లాన్‌ చేస్తున్నారు. మాస్ మసాలా ఐటెం సాంగ్ ను బోయపాటి ఈ సినిమాలో పెట్టడం వల్ల మరింతగా మాస్ ఆడియన్స్‌ ను ఆకట్టుకునే అవకాశం ఉంటుందని అంటున్నారు. ఇక ఈ సినిమా ఐటెం సాంగ్ కోసం ప్రముఖ హాట్‌ హీరోయిన్‌ ను సంప్రదించారట. ఆమె భారీ పారితోషికం ఆఫర్ చేయడంతో ఓకే చెప్పిందని వార్తలు వస్తున్నాయి. త్వరలోనే ఆ విషయమై క్లారిటీ వచ్చే అవకాశం ఉంది. ముగ్గురు ముద్దుగుమ్మలతో మన బాలయ్య రొమాన్స్ ఏ రేంజ్ లో ఉంటుందో చూడాలంటే కొన్నాళ్లు వెయిట్‌ చేయాల్సిందే. ఈ సినిమాకు కొత్తగా ‘డ్రామా’ అనే టైటిల్‌ ను పరిశీలిస్తున్నట్లుగా వార్తలు వస్తున్నాయి.
