తెలుగు బిగ్ బాస్ ఇప్పటి వరకు నాలుగు సీజన్ లను పూర్తి చేసుకుంది. కరోనా శాంతంగా ఉండి ఉంటే ఇప్పటి వరకు అయిదవ సీజన్ కు సంబంధించిన పక్రియ వేగవంతంగా సాగేది. కాని ఇప్పుడు పరిస్థితి అనుకూలంగా లేదు. సెకండ్‌ వేవ్‌ కారణంగా మలయాళ బిగ్ బాస్ ను మద్యలో నిలిపి వేసి సెట్టింగ్‌ కు సీల్‌ వేయడంతో పాటు నిర్వాహకులపై కేసు నమోదు అయ్యింది. కనుక ఈ సమయంలో బిగ్ బాస్ ను నిర్వహించడం సాధ్యం కాదని అంటున్నారు. ఎప్పుడు ప్రారంభం అయినా కూడా కంటెస్టెంట్స్ రెడీగా ఉండాలనే ఉద్దేశ్యంతో ఇప్పటికే స్టార్‌ మా వారు కొందరిని సంప్రదించారని తెలుస్తోంది. అందులో జబర్దస్త్‌ వర్ష కూడా ఉంది.
ఇటీవల కాలంలో ఇమాన్యూల్‌ తో జబర్దస్త్‌ లో వర్ష స్కిట్‌ ల్లో పండిస్తున్న కామెడీ మరియు రొమాన్స్ అందరి దృష్టిని ఆకర్షిస్తున్నాయి. అలాగే ఆమెకు సోషల్‌ మీడియాలో కూడా మంచి ఫాలోయింగ్‌ ఉంది. అందుకే ఆమెను బిగ్ బాస్ లోకి ఆహ్వానించినట్లుగా తెలుస్తోంది. బిగ్ బాస్ నుండి ఆఫర్ రావడంతో వెళ్లాలా వద్దా అనే ఆలోచనలో ఉన్నట్లుగా ఇన్‌ స్టా గ్రామ్‌ స్టోరీని వర్ష పెట్టింది. దాంతో ఆమెకు ఆఫర్ వచ్చిందనే చాలా మంది భావిస్తున్నారు. బిగ్ బాస్ లోకి వెళ్తే జబర్దస్త్‌ ను వదిలేయాల్సి ఉంటుంది. మరి వర్ష జబర్దస్త్‌ ను వదిలేసి అక్కడకు వెళ్తుందా అనేది చూడాలి.
