అఖిల్ అక్కినేనికి అభిమానులు ముద్దుగా పెట్టుకున్న పేరు అక్కినేని ప్రిన్స్. కాని అఖిల్ దాని కంటే కూడా అయ్యగారు బిరుదుకు ఎక్కువ ఇంట్రెస్ట్‌ చూపిస్తున్నాడు. సోషల్ మీడియా.. గూగుల్‌ ఏ ఇతర ప్లాట్ ఫామ్ లో అయ్యగారు అని సెర్చ్‌ చేసినా కూడా కనిపించే ఫొటో అఖిల్ అక్కినేని. అంతగా అయ్యగారు బిరుదు ఆయనకు సెట్‌ అయ్యింది. ఈ అయ్యగారు బిరుదును ఒక వీరాభిమాని అఖిల్ కు ఇచ్చాడు. గుంటూరుకు చెందిన నాగరాజు అనే వ్యక్తి ఆ బిరుదును ఇవ్వడం జరిగింది.
అఖిల్ ను అయ్యగారు అంటూ ఇప్పటి నుండి కాదు చాలా కాలంగా నాగరాజు పిలుస్తున్నాడు. బ్యాచిలర్ సినిమా విడుదల సందర్బంగా కూడా నాగరాజు మరోసారి మీడియా ముందుకు వచ్చి అయ్యగారు అంటూ అఖిల్ ను పిలిచి మరోసారి వార్తల్లో నిలిచాడు. అయ్యగారు అంటూ తనను ఇంత ఫేమస్ చేసి.. తాను అంత ఫేమస్ అయిన నాగరాజు గురించి ఇన్ స్టా లైవ్‌ లో అఖిల్ మాట్లాడాడు. త్వరలోనే అయ్యగారు నాగరాజును కలుస్తాను అంటూ అఖిల్ హామీ ఇచ్చాడు.
