టాప్ మోడల్ కం నటి హంసా నందిని ఇటీవల క్యాన్సర్ తో పోరాడుతున్న విషయాన్ని వెల్లడించగా అభిమానులు షాకయ్యారు. ఆమె తన రొమ్ము క్యాన్సర్ గురించి ఎలా కనుగొంది అనే దాని గురించి సుదీర్ఘంగా నోట్ ని రాసింది. అత్యంత కఠినమైన కీమోథెరపీ సెషన్ లకు వెళ్లాల్సి వచ్చిందని.. అయితే ఆమె బలంగా .. ధైర్యంగా ఉందని పేర్కొంది. కీమో కారణంగా హంసానందిని పూర్తిగా కొత్త రూపంతో కనిపిస్తోంది. ఆమె ఇటీవల ఏస్ డిజైనర్ మనీష్ మల్హోత్రా కోసం మ్యూజ్ గా మారింది. భారతీయ అవతార్ లో అద్భుతంగా కనిపించింది.
హంసా పాస్టెల్ సూట్ ధరించి ఉన్న ఫోటోని షేర్ చేసారు. ఆమె దానిని క్యాప్షన్ ని ఇచ్చారు. “మీరు పూర్తిగా ఉత్కంఠభరితంగా ఉన్నారు @ihamsanandini ఈ చిత్రం శక్తి.. అందం .. దయ గురించి మాట్లాడుతుంది. క్యాన్సర్ తో మీ పోరాటం ప్రయాణంలో ఒక భాగం మాత్రమే.. చివరికి మీరు విజేతగా.. మరింత అందంగా ఉంటారని నాకు తెలుసు. మేమంతా మీ వెంటే ఉన్నాం“ అన్నారు. నిజానికి ఈ ఫోటోగ్రాఫ్ మాటల్లో చెప్పలేనంత అందంగా ఉంది. మనీష్ మల్హోత్రా కూడా ఈ పోస్ట్ పై హార్ట్ ఎమోజీని షేర్ చేశారు.
హంస రొమ్ము క్యాన్సర్ తో తన పోరాటం గురించి సోషల్ మీడియాలో షేర్ చేయగానే జూనియర్ ఎన్టీఆర్ తన సంఘీభావాన్ని తెలిపారు. తాజా ఇంటర్వ్యూలో జూనియర్ ఎన్టీఆర్ ఏమన్నారంటే.. నేను రొమ్ము క్యాన్సర్ తో యుద్ధం గురించి ఇప్పుడే విన్నాను. నిజంగా చాలా చాలా క్షమించండి. దేవుడు ఆమెకు అన్నిరకాలా శక్తినిచ్చి దీవిస్తాడు. దేవుడు ఆమెను ఆశీర్వదిస్తాడు. ఆమె తన జీవితంలో ఈ దశను అధిగమించడానికి అవసరమైన అన్నిరకాల శక్తితో.. ఆమె ఒక పోరాట యోధుడిలా బయటకు వస్తుందని నేను ఖచ్చితంగా అనుకుంటున్నాను..“ అన్నారు. జూనియర్ ఎన్టీఆర్ లవకుశలో హంస ఓ అతిథి పాత్రలో నటించిన సంగతి తెలిసిందే.
తాజా పోస్టింగ్ లో హంసా తీవ్రంగా ఎమోషన్ కి గురవుతూ ఇలా రాసింది “జీవితంలో నాకు ఎలాంటి అన్యాయం జరిగినా అది ఎంత అన్యాయంగా అనిపించినా.. నేను బాధితురాలిగా మిగలటానికి నిరాకరిస్తాను. భయం.. నిరాశావాదం .. ప్రతికూలతతో బతికేయటానికి నిరాకరిస్తాను. నేను నిష్క్రమించడానికి నిరాకరించాను. ధైర్యంగా ప్రేమతో ముందుకు సాగుతాను“ అని వ్యాఖ్యను జోడించింది.
