ఈ మధ్య రష్మిక మందన్న కెరీర్ గ్రాఫ్ ఓ రేంజ్ లో దూసుకుపోతోంది. తెలుగులో తీరిక లేకుండా నటిస్తోన్న రష్మికకు బాలీవుడ్, కోలీవుడ్ ల నుండి కూడా ఆఫర్లు బాగా వస్తున్నాయి. హిందీలో ఇప్పటికే మూడు సినిమాల్లో నటిస్తోంది ఈ అమ్మడు.
తాజా సమాచారం ప్రకారం తమిళ్ లో విజయ్ సరసన నటించే ఛాన్స్ కొట్టేసినట్లు తెలుస్తోంది. వంశీ పైడిపల్లి దర్శకత్వంలో విజయ్ తెలుగు-తమిళ్ ద్విభాషా చిత్రాన్ని చేయనున్నాడు. ఈ సినిమాను దిల్ రాజు నిర్మించనున్నాడు.
ఈ ప్రాజెక్ట్ లో హీరోయిన్ గా రష్మికను తీసుకున్నట్లు తెలుస్తోంది. ఇక త్వరలోనే షూటింగ్ మొదలుకానున్న ఈ చిత్రానికి ఎస్ ఎస్ థమన్ సంగీతం అందిస్తాడని కూడా ప్రచారం నడుస్తోంది. విజయ్ నటించిన బీస్ట్ ఏప్రిల్ లో విడుదలకు సిద్ధంగా ఉంది.
