ప్రస్తుతం రామ్ చరణ్ తో గేమ్ ఛేంజర్ సినిమాలో నటిస్తున్న కియారా అద్వానా బాలీవుడ్ లో వరుస సినిమాలతో కుమ్మేస్తోంది. ఆకట్టుకునే అందం తో పాటు నటిగా పలు సినిమాలతో తన ప్రతిభ కనబర్చిన ముద్దుగుమ్మ కియారా అద్వానీ. ఈ అమ్మడు ఇటీవలే యంగ్ హీరో సిద్దార్థ్ మల్హోత్ర ను వివాహం చేసుకున్న విషయం తెల్సిందే.
బాలీవుడ్ లో బ్యాక్ టు బ్యాక్ సినిమాలతో ఈ అమ్మడు సందడి చేస్తోంది. తాజాగా ఈమె సత్యప్రేమ్ కి కథ అనే సినిమాలో నటించింది. ఈనెల 29న ప్రేక్షకుల ముందుకు రాబోతున్న సినిమాకు సంబంధించిన ట్రైలర్ ఇటీవలే విడుదల అయ్యింది. ట్రైలర్ కి పాజిటివ్ రెస్పాన్స్ రావడంతో సినిమాపై అంచనాలు భారీగా పెరిగాయి.
గత చిత్రాలు నిరాశ పర్చిన కూడా ఈసారి కచ్చితంగా భారీ విజయాలను ఈమె అందుకోవడం ఖాయం అన్నట్లుగా ఇండస్ట్రీ వర్గాల వారు మరియు నెటిజన్స్ కామెంట్స్ చేస్తున్నారు. సత్యప్రేమ్ కి కథ సినిమా ప్రమోషన్ కార్యక్రమాల్లో భాగంగా కియారా చేసిన పని వివాదాస్పదం అయ్యింది.
సత్యప్రేమ్ కి కథ సినిమాలో ఒక సన్నివేశంలోని పెళ్లి సీన్ పిక్ ను షేర్ చేసింది. అందులో హీరో కార్తీక్ ఆర్యన్ తో కలిసి కియారా అద్వానీ పెళ్లి పీటలపై ఉన్నట్లుగా చూపించారు. ఆ ఫోటో ను చూసి మొదట చాలా మంది నెటిజన్స్ షాక్ అయ్యారు. ఇటీవలే సిద్దార్థ్ మల్హోత్ర ను వివాహం చేసుకున్న కియారా ఇంతలోనే కార్తీక్ ఆర్యన్ ని వివాహం చేసుకుందా అంటూ ఆశ్చర్యంను వ్యక్తం చేశారు.
సినిమా పబ్లిసిటీ కోసం మరీ ఇలాంటి ఫోటోలు షేర్ చేయడం ఎంత వరకు సబబు అంటూ కొందరు కియారా అద్వానీ తీరును ప్రశ్నించడంతో వెంటనే ఆ ఫోటోలను డిలీట్ చేయడం జరిగింది. కొత్తగా పెళ్లి అయిన కియారా అద్వానీ ఇలాంటి ఫోటోలు షేర్ చేయడం అనేది తప్పుడు అర్థాన్ని జనాల్లోకి తీసుకు వెళ్లినట్లు అవుతుందని కొందరు పేర్కొనడంతో వెంటనే వాటిని తొలగించింది.
తెలుగు లో కియారా నటించిన భరత్ అనే నేను మరియు వినయ విధేయ రామ సినిమాల్లో నటించిన విషయం తెల్సిందే. ఆ సినిమాల్లో భరత్ అనే నేను భారీ విజయాన్ని సొంతం చేసుకుంది. వినయ విధేయ రామ సినిమా మాత్రం నిరాశ పర్చింది. ప్రస్తుతం గేమ్ ఛేంజర్ సినిమాలో చరణ్ తో నటిస్తోంది. మరి ఆ సినిమా ఎలా ఉంటుందో చూడాలి.
