బుల్లితెర ప్రేక్షకుల్ని ఎంతగానో ఆకట్టుకుంటున్న ‘ఆమె కథ’ సీరియల్‌ 25 ఎపిసోడ్‌లను పూర్తి చేసుకుని.. నేటికి 27 ఎపిసోడ్‌కి ఎంటర్‌ అయ్యింది. తెలుగు ప్రేక్షకులని ఎంతగానో ఆకట్టుకుంటున్న ఆమె కథ (డిసెంబర్ 10) ఎపిసోడ్ హైలైట్స్‌లో ఏం జరిగిందో మీ సమయంలో మీకోసం.
గత ఎపిసోడ్‌లో ఏం జరిగిందంటే…
దోషాలు పోగొట్టుకోవడానికి గౌతమ్, పద్మిణీలు పురాతన పరమేశ్వరుడి గుడికి చేరుకుంటారు. ఇంట్లో ఎవరికీ తెలియకుండా రాజమాతే అక్కడికి పంపిస్తుంది. అయితే రాణీ చాటుగా విని ఇంట్లోంచి బయటపడుతుంది. తెల్లారే గుర్తించిన పనిమనిషి జానకి(కానిస్టేబుల్).. రిపోర్టర్ వెంకట్‌కి చెప్పడంతో ‘ఈ సారి ప్రమాదం జరగబోయేది గౌతమ్‌కి కాదు. పద్మిణీ దేవికి’ అని గెస్ చేసి.. పురాతన గుడి ఏది అని తెలుసుకుని తన బాబుని తీసుకుని బయలుదేరతాడు. అయితే వాళ్లనే రాణి దారిలో లిఫ్ట్ అడుగుతుంది. తనూ ఆ గుడికే వెళ్తుందని తెలుసుకుని వెంకట్ ఆమెని డ్రాప్ చేస్తాడు. అయితే రాణి తన పేరు లక్ష్మీ అని.. వెంకట్ వాళ్లు కూడా తమ పేర్లు అబద్దం చెబుతారు.
27 ఎపిసోడ్ హైలెట్స్..
చారిటీ మనిషి.. రాజేంద్ర.. రాణి పద్మిణీదేవిని చంపమని(ఎందుకంటే 10 నెలల లోపు వారసుడు పుట్టకపోతే.. రాజకోట ఆస్తులన్నీ చారిటీకి చెందుతాయి).. ఓ కుంటి మనిషిని (పైడుతల్లీ) నియమిస్తాడు. అతడు ఎలాంటి వెపన్స్ లేకుండా గుడిలోకి వెళ్లిన పైడుతల్లి.. పెద్ద పెద్ద బండరాయిలు ఎత్తి.. ప్రదక్షణలు చేస్తున్న పద్మిణీ మీదకు రెండు సార్లు విసురుతాడు. అయితే రెండవ సారి పద్మిణీకి చాలా దగ్గరగా ఆ బండ పడుతుంది. అప్పుడే రాణీ కూడా అక్కడికి చేరుకుని.. చాటుగా వాళ్ల మాటలు వింటుంది. గుడి మొత్తం పోలీస్ బందోబస్త్ మీద ఉండగా.. కూడా ఆ వ్యక్తి పద్మిణీని చంపాలని ప్రయత్నిస్తాడు.
రాణీ గుడికి చేరుకోగానే.. కనీసం వెంకట్ వాళ్లకి థ్యాంక్స్ కూడా చెప్పకుండా అక్కడ నుంచి పరుగుతీస్తుంది. తర్వాత గౌతమ్ వాళ్లు లోపలికి అడుగు పెట్టాలని ప్రయత్నిస్తున్న సమయంలో ఎప్పుడూ సాయం చేసే పోలీస్ కమీషనర్.. వెంకట్‌ని ఆపుతాడు. లోపలికి వెళ్లి లేని తలనొప్పులు తేవద్దని వార్నింగ్ ఇచ్చి పంపేస్తాడు. దాంతో కమీషనర్ కన్నుగప్పి గుడిలోపలికి వెళ్లాలని వెంకట్, బాబులు ప్రయత్నిస్తుంటారు. అయితే బాబుకి రాజకోట గురించి, శ్యామలా దేవి గురించి క్లారీటీ ఇస్తాడు. ‘శ్యామలా దేవి.. విలన్ అనుకున్నాను కానీ.. చాలా మంచిదని, పేదల కోసం పాటు పడే మనిషి అని, వారుసుడు పుట్టకపోతే చారటీకి వెళ్లిపోతుందని, ప్రస్తుతం పేదలకు ఖర్చు చేస్తున్న డబ్బంతా చారిటీకి పోకూడదని ఆవిడ ప్రయత్నిస్తున్నారని’ బాబుతో వెంకట్ చెబుతాడు.
రాణీ చాటుగా నిలబడి మొత్తం వింటుంది. గౌతమ్ పద్మిణీతో ప్రేమగా మాట్లాడుతున్న మాటలన్నీ చాటుగా విని కోపంతో రగిలిపోతుంది రాణి. గౌతమ్, పద్మిణీలు తనని చూడకుండా తల మీద కొంగు ముసుగు వేసుకుని పక్కకు తప్పుకుంటుంది. ప్రదక్షణలు చేసి.. అలసిన గౌతమ్ గుడిలో కూర్చుంటాడు. పద్మిణీ గుడి ముందు కూర్చున్నవాళ్లకి డబ్బులు వేయడానికి వెళ్తుంది. అందులో ఓ వ్యక్తి.. ‘అమ్మా పద్మిణీ అమ్మా మీ ప్రాణాలు జాగ్రత్తమ్మా.. మంచివాళ్లందరూ మంచి వాళ్లు కాదు. చెడ్డవాళ్లు చెడ్డవాళ్లూ కాదు. నీ వాళ్లంతా మంచివాళ్లూ కాదమ్మా.. నీ చుట్టూ జగన్నాటకం జరుగుతోంది తల్లీ.. గుర్తించు’ అంటూ ఉంటాడు. పద్మిణీ భయపడుతుంది.
ఇంతలో అక్కడున్నవాళ్లు ‘వాడు పిచ్చివాడు తల్లీ భయడకు’ అంటూ ధైర్యం ఇస్తారు. కానీ పద్మిణీ అదే ఆలోచించుకుంటూ సూన్యంలోకి చూసుకుంటూ గౌతమ్ దగ్గరకు వెళ్తూ ఉంటుంది. ఇంతలో రాణీ.. గౌతమ్ కాళ్లను తాకుతూ.. నొక్కతూ.. ఉండగా అప్పటికే కళ్లుమూసుకుని ఉన్న గౌతమ్.. ‘థ్యాంక్స్ పద్దూ’ అనడంతో రాణి రగిలిపోతుంది. రాణీని చూసిన గౌతమ్ షాక్ అవుతాడు. ‘పద్మిణీ చూస్తే ప్రమాదం’ అంటూ పంపించేస్తాడు. రాణీ మిగిలిన భక్తుల మధ్యలోకి వెళ్లి కూర్చుంటుంది. పద్మిణీ మాత్రం బాధగా, టెన్షన్‌గా ఏం తెలియని అయోమయంలో గౌతమ్ ముందుకు వచ్చి నిలబడుతుంది. మరిన్ని వివరాలు తరువాయి భాగంలో చూద్దాం! ఆమె కథ కొనసాగుతోంది.
