ఒక మాస్ సినిమా కలిగించే ఊపు వేరు. బాక్స్ ఆఫీస్ వద్ద జాతర చేయడానికి వచ్చిన అఖండ పేరుకి తగ్గ రీతిలో అఖండమైన ఓపెనింగ్ ను తీసుకొచ్చింది. మొదటి రోజు దాదాపుగా అన్ని చోట్లా అఖండకు హౌజ్ ఫుల్స్ పడ్డాయి. బాలకృష్ణ – బోయపాటి కాంబినేషన్ మ్యాజిక్ చేసింది.
రివ్యూల పరంగా పాజిటివ్ గానే ఉంది. రొటీన్ స్టోరీతో మాస్ ప్రేక్షకులను మెప్పించే అంశాలతో బోయపాటి ఈ చిత్రాన్ని రూపొందించాడు. ఇక బాక్స్ ఆఫీస్ వద్ద బాలయ్య అఖండ అద్భుతమైన ఓపెనింగ్ తీసుకొచ్చింది. మొదటి రోజు రెండు తెలుగు రాష్ట్రాల్లో కలిపి 15 కోట్ల షేర్ ను సాధించడం విశేషం.
బాలయ్య కెరీర్ లోనే హయ్యస్ట్ ఓపెనింగ్ రికార్డ్ ఇది. ఆంధ్రప్రదేశ్ లో ఎక్స్ట్రా షోస్ కు అనుమతి లేకపోవడం, టికెట్ రేట్లను తగ్గించడం వంటివి ఈ చిత్రానికి వ్యతిరేకంగా పనిచేసాయి. లేదంటే అఖండ మరింత భారీ ఓపెనింగ్ సాధించేదే.
