అఖిల్ అక్కినేని ఎప్పటినుండో ఎదురుచూస్తోన్న తొలి విజయం మొత్తానికి వచ్చేసింది. అఖిల్ మొదటి మూడు చిత్రాలు ప్లాప్ అవ్వడంతో నాలుగో సినిమా విజయం సాధించడానికి డెస్పెరేట్ గా ఎదురుచూశాడు. అఖిల్ నాలుగో చిత్రం మోస్ట్ ఎలిజిబుల్ బ్యాచలర్ ఈ దసరా సందర్భంగా 15వ తారీఖున విడుదలైంది.
మొదట టాక్ కొంచెం మిక్స్డ్ గా వచ్చినా కానీ దసరా సెలవుల అడ్వాంటేజ్ తో చిత్రం మంచి విజయం సాధించే దిశగా దూసుకుపోతోంది. దసరా విన్నర్ గా నిలిచింది. ఈ సక్సెస్ ను మోస్ట్ ఎలిజిబుల్ బ్యాచలర్ టీమ్ సెలబ్రేట్ చేసుకుంటోంది. రేపు మోస్ట్ ఎలిజిబుల్ బ్యాచలర్ సక్సెస్ మీట్ జరగనుంది.
ఈ ఈవెంట్ కు ఐకాన్ స్టార్ అల్లు అర్జున్ చీఫ్ గెస్ట్ గా రానున్నాడు. గీతా ఆర్ట్స్ 2 ఈ చిత్రాన్ని నిర్మించిన విషయం తెల్సిందే. బన్నీ వాస్, వాసు వర్మ నిర్మాతలుగా వ్యవహరించారు.
