మెగా పవర్ స్టార్ రామ్ చరణ్, అగ్ర దర్శకుడు శంకర్ దర్శకత్వంలో నటించనున్న విషయం తెల్సిందే. ఈ సినిమా ప్రకటన వచ్చిన దగ్గరనుండి ఈ ప్రాజెక్టు ఏదో ఒక రకంగా వార్తల్లో నిలుస్తూనే ఉంది. అగ్ర నిర్మాత దిల్ రాజు భారీ వ్యయంతో ఈ చిత్రాన్ని నిర్మించనున్నాడు.
శంకర్ ఒక వైపు ఇండియన్ 2 ప్రాజెక్టు విషయంలో లీగల్ సమస్యలు ఎదుర్కొంటున్నా రామ్ చరణ్ ప్రాజెక్ట్ పై ఫుల్ ఫోకస్ పెట్టినట్లు సమాచారం. ప్రస్తుతం కాస్ట్ అండ్ క్రూ ను ఎంపిక చేస్తున్నాడట శంకర్. ఈ చిత్రంలో హీరోయిన్ విషయంలో ఒక న్యూస్ బయటకు వచ్చింది. ఇటీవలే మాస్టర్ చిత్రంలో హీరోయిన్ గా నటించిన మాళవిక మోహనన్ రామ్ చరణ్ – శంకర్ చిత్రంలో ఒక హీరోయిన్ గా నటిస్తుందని ప్రచారం బలంగా జరుగుతోంది.
ఈ సినిమాలో మరో ఇద్దరు హీరోయిన్లు కూడా ఉంటారట. ఇంకా వారిని ఎంపిక చేయాల్సి ఉంది. రామ్ చరణ్ ప్రస్తుతం చేస్తోన్న ఆర్ ఆర్ ఆర్ పూర్తైన తర్వాత శంకర్ చిత్రం మొదలవుతుంది.
