నందమూరి బాలకృష్ణ బయటకు కరుకుగా కనిపించినా మనసు చాలా మంచింది. ఈ విషయాన్ని చాలా మంది సెలబ్రిటీలు ఇప్పటికే పలు ఇంటర్వ్యూలలో చెప్పారు కూడా. నిన్న బాలకృష్ణ పుట్టినరోజు సందర్భంగా ఇచ్చిన ఇంటర్వ్యూలో పలు ఆసక్తికర విషయాలను తెలియజేసాడు.
తన నెక్స్ట్ చిత్రం గురించి బాలకృష్ణ రివీల్ చేసాడు. అలాగే ఇటీవలే నటుడు శ్రీకాంత్ కు తనకు మధ్య జరిగిన ఆసక్తికర విషయాన్ని తెలియజేసాడు. హీరో శ్రీకాంత్ ఇటీవలే విలన్ అవ్వాలనుకుంటున్న విషయం తెల్సిందే.
నాగ చైతన్య యుద్ధం శరణం సినిమాలో శ్రీకాంత్ విలన్ గా నటించాడు. శ్రీకాంత్ విలన్ ప్రయత్నాల గురించి తెలుసుకున్న బాలకృష్ణ “ఎందుకయ్యా ఇప్పుడే నీకు విలన్ వేషాలు. హీరోగా ఇంకా కెరీర్ ఉంది నీకు. కావాలంటే నేను రిఫర్ చేస్తాను” అని శ్రీకాంత్ కు సున్నితంగా వార్నింగ్ ఇచ్చినట్లు చెప్పుకొచ్చాడు బాలయ్య. అలాగే శ్రీకాంత్ వద్దకు దర్శకుడ్ని పంపి సినిమాను సెట్ చేయించినట్లు తెలుస్తోంది.
