తెరపై ఇద్దరు హీరోలు కనిపిస్తేనే సందడి నెలకొంటుంది. అటువంటిది ఇద్దరు ఇండియన్ మెగాస్టార్స్ ఒకేసారి తెరపై కనిపిస్తే ఫ్యాన్స్ పూనకాలే వచ్చేస్తే.. ప్రేక్షకులకు కనులవిందే అవుతుంది. అలా.. ఒకేసారి తెరపై కనిపించిన మెగాస్టార్స్ అమితాబ్ బచ్చన్ – చిరంజీవి. ఒకరు బాలీవుడ్ ని ఏలేస్తే మరొకరు టాలీవుడ్ ని ఏలేస్తున్నారు. వీరిద్దరూ కలిసి ‘సైరా..’ లో కలిసి నటించి ప్రేక్షకులకు ఐఫీస్ట్ ఇచ్చారు. ఇప్పుడు మరోసారి అటువంటి అవకాశం రాబోతోందని టాలీవుడ్ లో వార్తలు రౌండ్ అవుతున్నాయి.
హిందీలో తాను నటిస్తున్న ఓ సినిమాలో పాత్ర కోసం చిరంజీవిని సంప్రదించారట అమితాబ్ బచ్చన్. ఇందుకు చిరంజీవి ఓకే చెప్పినట్టుగా కూడా వార్తలు వస్తున్నాయి. త్వరలోనే అఫీషియల్ అనౌన్స్ మెంట్ వచ్చే అవకాశం ఉందని అంటున్నారు. చిరంజీవి కోరిన మీదట సైరాలో నటించిన అమితాబ్.. ఈసారి ఆయనే చిరంజీవిని ఆపాత్రకు సూచించారని అంటున్నారు. ఇదే నిజమైతే ప్రేక్షకులకు మరోసారి పండగే. ప్రస్తుతానికి గాసిప్ గా ఉన్న ఈ వార్తపై అఫీషియల్ న్యూస్ రావాల్సి ఉంది.
