గత ఎపిసోడ్‌లో ఏం జరిగిందంటే…
దీప.. శ్రావ్య బాబుని చూడటానికి వెళ్తుంది. అక్కడ హిమ.. ‘శ్రావ్య అక్క దీపేనని’ తెలుసుకుంటుంది. దాంతో ‘ఇన్ని రోజులు ఎందుకు చెప్పలేదు? వంటలక్క మన చుట్టాలే అయినప్పుడు.. సౌర్య వాళ్ల నాన్న గురించి ఎందుకు చెప్పడంలేదు?’ అంటూ శ్రావ్యని, మురళీ కృష్ణని ప్రశ్నల మీద ప్రశ్నలు వేస్తుంది. అయితే.. ‘నీకు నిజం తెలియదని మాకు ఇప్పటి దాకా తెలియదు హిమా’ అంటూ కవర్ చేస్తుంది శ్రావ్య. అయితే హిమ.. ‘వంటలక్కని ఇక నుంచి పెద్దమ్మా’ అనాలని నిర్ణయించుకుంటుంది.
724 ఎపిసోడ్ హైలెట్స్..
దీప మంచి కొత్త చీరలో కనిపించడంతో.. సౌర్యకి డౌట్ వస్తుంది. ‘హెల్త్ బాలేదని చెప్పి.. నువ్వు ఆ ఇంటికే వెళ్లావ్‌గా’ అంటూ గొడవ పెట్టుకుంటుంది సౌర్య. అయితే దీప రివర్స్‌లో కోప్పడటంతో.. సౌర్య కూల్ అవుతుంది. ఇద్దరూ కలిసి శ్రావ్య కొడుకు(పుట్టిన బాబు)కి స్వెటర్ కొనడానికి బయలుదేరతారు. తాళం వేసిన తర్వాత ‘అమ్మా సెటప్ కూతురు? అంటే ఏంటమ్మా?’ అంటుంది సౌర్య. ‘ఛిఛీ.. అవేం మాటలు అత్తమ్మా? ఎక్కడ విన్నావ్ అంత చెండాలమైన మాట?’ అని గట్టిగా అడిగే సరికి.. ‘ఉదయాన్నే రోడ్డు మీద జరిగిన గొడవ గురించి.. బైక్ గల వ్యక్తి అన్న మాటలు, కార్తీక్ వాడ్ని చితక్కొట్టాడని’ అంతా చెబుతుంది. దాంతో దీప సంతోషంగా.. ‘నా డాక్టర్ బాబు నన్ను అంత మాట అన్నందుకు వాడ్ని కొట్టాడా?’ అంటుంది నవ్వుతూ.. ‘అంత ఆనందపడకమ్మా.. డాక్టర్ బాబు.. నాకు నాన్నగా ఉండటానికి అసలు ఇష్టపడడని నాకు అర్థమైంది. నీ స్థానంలో ఎవరు ఉన్నా అలానే కొడతాడు. నా స్థానంలో ఎవరు ఉన్నా అలానే కాపాడతాడు. అంతేనమ్మా.. ఇక మనకు నాన్న లేడమ్మా.. డాక్టర్ బాబే ఉన్నాడు’ అంటూ సౌర్య బాగా ఏడుస్తుంది. వెంటనే దీప కూడా ఏడుస్తూ సౌర్యని గుండెలకు హత్తుకుంటుంది. చివరికి ఇద్దరూ కళ్లు తుడుచుకుని షాపింగ్‌కి వెళ్లడం.. ప్రేక్షకుల గుండెల్ని మెలిపెట్టకమానదు.
సీన్ కట్ చేస్తే.. దీప, సౌర్యలు ఓ షాప్‌లో స్వెటర్స్ కొంటూ ఉంటారు. కార్తీక్, హిమ కూడా అక్కడికే వస్తారు. సౌర్య బలవంతంగా దీపని కార్తీక్ వాళ్లు ఉన్నచోటకి లాక్కుని వెళ్తుంది. కార్తీక్ సెలెక్ట్ చేసిన ఓ స్వెటర్ చూసి.. ‘ఇది నాకు కూడా నచ్చింది’ అనడంతో.. కార్తీక్ దీపని, సౌర్యని చూస్తాడు. హిమ దీప దగ్గరకు పరుగున వెళ్లి ‘వంటలక్కా’ అంటూ హగ్ చేసుకుంటుంది. పిల్లలు ఇద్దరూ బిల్ వేయించడానికి వెళ్తే.. దీపని కార్తీక్ నెమ్మదిగా.. ‘ఓసేయ్.. ఇలా రావే’ అంటాడు. వెంటనే దీప పక్కకు వెళ్లి.. ‘ఏంటా మాటా? ఎవరైనా వింటే ఏం అనుకుంటారు?’ అంటుంది. ‘నిన్ను పిలవడం నాది బుద్ది తక్కువ.. మేము ఇక్కడికి వస్తున్నామని.. నీకు మా అమ్మ చెప్పిందా?’ అంటాడు కోపంగా.. ‘మా అత్తగారు అన్ని విషయాలు నాకు చెప్పరండీ.. నాకు ఏం చెప్పలేదు’ అంటుంది దీప అమాయకంగా. ‘అయినా మూర్ఖులతో నేను మాట్లాడను’ అంటూ కార్తీక్ ముందుకు వెళ్లిపోతుంటే.. ‘నాకు అలాంటి పట్టింపులేం లేవులెండీ’ అంటుంది దీప కొంటెగా.. ఆ సీన్ భలే కామెడీగా ఉంటుంది. మరిన్ని వివరాలు తరువాయి భాగంలో చూద్దాం. కార్తీకదీపం కొనసాగుతోంది.
