మెగా ఫ్యామిలీ నుండి ప్రస్తుతం ఇండస్ట్రీలో ఎంత మంది హీరోలు ఉన్నారు అంటే ఠక్కున మెగా ఫ్యాన్స్ కూడా చెప్పలేని పరిస్థితి. అయినా కూడా ఆ జోరు కంటిన్యూ అవుతూనే ఉంది. వరుసగా మెగా ఫ్యామిలీ నుండి కొత్త వారు వస్తూనే ఉన్నారు. ఏడాదికి ఒకరు చొప్పున తెరంగేట్రంకు సిద్దం అవుతున్నాడు. సక్సెస్‌ లు ఫ్లాప్ లతో సంబంధం లేకుండా మెగా ఫ్యామిలీ హీరోలు ఇలా వచ్చి అలా వెళ్తున్నారు. చిరంజీవి చిన్నల్లుడు కళ్యాణ్ దేవ్ హీరోగా ఎంట్రీ ఇచ్చాడు. ఇప్పుడు నాగబాబు అల్లుడు కూడా తెరంగేట్రం చేసే అవకాశం ఉందంటున్నారు.
ప్రయత్నిస్తే పోయేది ఏముంది అన్నట్లుగా చైతన్య కూడా రెండు మూడు సినిమాలు చేసి నటుడిగా రాణిస్తే హీరోగా కంటిన్యూ అవ్వాలని ప్లాన్‌ చేస్తున్నాడట. అందుకోసం మెగా కాంపౌండ్‌ వారు రోడ్డు మ్యాప్‌ రెడీ చేస్తున్నారు. మెగా ఫ్యామిలీకి సన్నిహితంగా ఉండే ఒక నిర్మాణ సంస్థ ఇందుకోసం ముందుకు వచ్చింది. 8 నుండి 10 కోట్ల మద్యలో ఒక సినిమాను చైతన్యతో నిర్మించేందుకు ఆ నిర్మాణ సంస్థ రెడీ అయ్యింది. మరో వైపు నాగబాబు మరియు వరుణ్‌ బాబులు ఇద్దరు కూడా చైతన్య కోసం ఒక మంచి కథను ఎంపిక చేసేందుకు ప్రయత్నాలు చేస్తున్నారు. కొత్త దర్శకుడు కాకుండా కాస్త ఫేమ్‌ ఉన్న దర్శకుడికి దర్శకత్వ బాధ్యతలు అప్పగించే అవకాశం ఉందని అంటున్నారు. కనుక నాగబాబు అల్లుడు చైతన్య కూడా త్వరలోనే వెండి తెరపై సందడి చేసే అవకాశం ఉందంటున్నారు.
