అక్కినేని నాగార్జున లాక్ డౌన్ ముగిశాక అందరికంటే ముందు, చాలా ధైర్యంగా సెట్స్ లో అడుగుపెట్టాడు. బాలీవుడ్ లో చేస్తోన్న బ్రహ్మాస్త్రకు సంబంధించిన తన పార్ట్ ను పూర్తి చేసాడు. అలాగే తెలుగులో వైల్డ్ డాగ్ సినిమా చిత్రీకరణను పూర్తి చేసాడు. బిగ్ బాస్ 4 హోస్ట్ చేస్తూనే వైల్డ్ డాగ్ షూట్ ను నాగ్ పూర్తి చేయడం విశేషం. లాక్ డౌన్ తర్వాత 2020లో అత్యంత బిజీగా ఉన్న ఆర్టిస్ట్ నాగార్జున.
అలాంటి నాగ్ 2021 రాగానే పూర్తిగా సైలెంట్ అయిపోయాడు. తన నెక్స్ట్ సినిమా వివరాలను ప్రకటించట్లేదు అలాగే వైల్డ్ డాగ్ రిలీజ్ పట్ల కూడా మౌనం వహిస్తున్నాడు. నిజానికి వైల్డ్ డాగ్ చిత్రం అన్నిటికన్నా ముందు రిలీజ్ చేస్తారని అనుకున్నారు కానీ ప్రస్తుతం టాలీవుడ్ లో అందరూ రిలీజ్ డేట్లను ప్రకటిస్తున్నారు. నాగార్జున నుండే ఏ కబురూ అందట్లేదు.
నెట్ ఫ్లిక్స్ తో ముందుగానే వైల్డ్ డాగ్ కు డీల్ క్లోజ్ అయిందని అందుకనే రిలీజ్ డేట్ పట్ల తొందర పడట్లేదని అంటున్నారు. చూడాలి మరి.
