యంగ్ టైగర్ ఎన్.టి.ఆర్ ప్రస్తుతం జక్కన్న రాజమౌళి దర్శకత్వంలో ‘ఆర్ఆర్ఆర్‘ మూవీ చేస్తున్న సంగతి అందరికీ తెలిసిందే. ఈ సినిమా సెట్స్ పై ఉండగానే తన తదుపరి సినిమా త్రివిక్రమ్ శ్రీనివాస్ తో చేయనున్నట్లు అనౌన్స్ చేశారు. కానీ కోవిడ్ కారణంగా అన్ని సినిమాల షెడ్యూల్స్ ఒక ఏడాది వెనక్కి వెళ్లాయి.
ప్రస్తుతం ఎన్.టి.ఆర్ ‘ఆర్ఆర్ఆర్’ క్లైమాక్స్ చిత్రీకరణంలో పాల్గొంటున్నారు. మార్చి లోపు ఈ సినిమాకి సంబందించిన అన్ని పనులను పూర్తి చేయనున్నాడు. ఆ తర్వాత చిన్న గ్యాప్ తీసుకొని తన లుక్ మార్చుకొని త్రివిక్రమ్ సినిమా పట్టాలెక్కించనున్నాడు. మాకు తెలిసిన తాజా సమాచారం ప్రకారం ఎన్.టి.ఆర్ బర్త్ డే రోజున అనగా మే 20 నుంచి త్రివిక్రమ్ సినిమాని సెట్స్ పైకి తీసుకెళ్లనున్నాడని సమాచారం.
అక్కడి నుంచి ఆగకుండా కంటిన్యూగా షూటింగ్ ని ఫినిష్ చేసి 2022 సంక్రాంతి బరిలో ఈ సినిమాని రిలీజ్ చేయడానికి ప్లాన్ చేస్తున్నారని సమాచారం. ఇప్పటికే ఆర్ఆర్ఆర్ ని అక్టోబర్ 13న రిలీజ్ అని అనౌన్స్ చేశారు. అనగా ఆ తర్వాత 3 నెలల్లోనే తారక్ నుంచి మరో సినిమా వస్తుండడం అభిమానులు పండగ చేసుకునే విషయం. ఎన్.టి.ఆర్ – త్రివిక్రమ్ సినిమాకి ‘అయినను పోయిరావలె హస్తినకు’ అనే టైటిల్ ని పరిశీలిస్తున్నారు.
