ప్రభాస్ క్రేజ్ మాదిరిగానే ఆయన మనసు కూడా చాలా విశాలమైనది అనే విషయం ప్రత్యేకంగా చెప్పనక్కర్లేదు. ఆయన చేతికి ఎముక లేదు అన్నట్లుగా లక్షల సాయం చేస్తూనే ఉంటాడు. కోట్లల్లో విరాళాలు ఇస్తూ ఉంటాడు. తాజాగా సంక్రాంతి సందర్బంగా తన సినిమా రాధే శ్యామ్‌ కోసం పని చేస్తున్న ప్రతి ఒక్క టెక్నీషియన్ కు బహుమానాలు ఇవ్వాలని నిర్ణయించుకున్నాడు. అందుకోసం భారీగా ఖర్చు పెట్టి ప్రతి ఒక్కరికి ఖరీదైన రిస్ట్‌ వాచ్‌ ను బహుమానంగా ప్రభాస్ ఇచ్చాడు అంటూ సమాచారం అందుతోంది.
రాధే శ్యామ్‌ యూనిట్‌ సభ్యులు అందరికి కూడా బహుమానాలు సంక్రాంతి కానుకగా ఇంటికి రావడంతో వారు సర్‌ ప్రైజ్‌ అయ్యారట. ప్రతి ఒక్కరు కూడా సంక్రాంతి బహుమానం అందుకుని చాలా సంతోషంగా ఉన్నారు. ఇక రాధేశ్యామ్‌ సినిమా విషయానికి వస్తే త్వరలోనే ప్రేక్షకుల ముందుకు రాబోతుంది. భారీ ఎత్తున అంచనాలున్న ఈ సినిమాకు సుజీత్‌ దర్శకత్వం వహిస్తున్నాడు. త్వరలోనే సినిమా షూటింగ్‌ కు గుమ్మడి కాయ కొట్టబోతున్నారు. సమ్మర్‌ తర్వాత సినిమా ప్రేక్షకుల ముందుకు వచ్చే అవకాశం ఉంది.
