యంగ్‌ రెబల్‌ స్టార్‌ ప్రభాస్ ‘రాధేశ్యామ్‌’ షూటింగ్‌ ప్రారంభం అయ్యి దాదాపు మూడు సంవత్సరాలు అవుతుంది. సాహో సినిమా షూటింగ్‌ సమయంలోనే రాధేశ్యామ్‌ ఒక షెడ్యూల్‌ ను చేశారు. సాహో విడుదల అయ్యి చాలా కాలం అయ్యింది. అయినా ఇప్పటి వరకు రాధేశ్యామ్‌ సినిమా షూటింగ్‌ ను పూర్తి చేయలేదు. గత ఏడాది సినిమా విడుదల అవ్వాల్సి ఉన్నా కూడా కరోనా దెబ్బతో నిలిచి పోయింది. మళ్లీ పునః ప్రారంభం అయిన రాధేశ్యామ్‌ సినిమా చివరి షెడ్యూల్‌ ను ఈ నెలలో పూర్తి చేయబోతున్నట్లుగా యూవీ వారు ప్రకటించారు.
యూవీ క్రియేషన్స్‌ బ్యానర్‌ లో రూపొందుతున్న ఈ సినిమాకు సంబంధించిన చివరి షెడ్యూల్‌ ను ఈ నెలలో ప్లాన్‌ చేస్తున్నారు. చివరి షెడ్యూల్‌ లో భాగంగా ప్రభాస్ మరియు పూజా హెగ్డేపై పాటను చిత్రీకరించబోతున్నారు. అలాగే కొంత ప్యాచ్‌ వర్క్‌ ను కూడా చేయబోతున్నారు. కృష్ణంరాజు మరియు ప్రభాస్ ల కాంబోలో కూడా ఒకటి రెండు సీన్స్‌ బ్యాన్స్‌ ఉన్నట్లుగా చెబుతున్నారు. మొత్తంగా మే వరకు సినిమాను పూర్తి చేసి అనుకున్నట్లుగా జులైలో సినిమాను విడుదల చేయబోతున్నారు.
