కరోనా ఎఫెక్ట్ తో వచ్చిన లాక్ డౌన్ లు, నిభందనలు పూర్తిగా సవరించేసారు,కానీ కరోనా మాత్రం ప్రపంచ వ్యాప్తంగా స్వైర విహారం చేస్తూనే ఉంది. ఈ మద్య కాలంలో సినీ ప్రముఖులు ఎక్కువగా కరోనా బారిన పడుతున్నట్లుగా వార్తలు వస్తున్నాయి. కొందరు కరోనా పాజిటివ్‌ విషయాన్ని బయటకు చెబుతుంటే మరికొందరు చెప్పుకోవట్లేదు. అలాగే కొందరు ప్రాణాలు కూడా విడుస్తున్నారు.
ఇటీవలే యాంగ్రీ యంగ్‌మన్‌ రాజశేఖర్ కుటుంబం మొత్తం కూడా కరోనా బారిన పడ్డారనే విషయాన్ని స్వయంగా రాజశేఖర్ గారే ‘నేను జీవిత మరియు పిల్లలందరికీ కరోనా పాజిటివ్‌ నిర్థారణ అయ్యింది’ అంటూ అక్టోబర్ 17న ట్విట్టర్ ద్వారా తెలియజేశాడు. అలాగే ‘పిల్లలు ఇద్దరు కూడా పూర్తిగా సేఫ్‌ అయ్యారు. కానీ నేను, జీవిత మాత్రం ఆసుపత్రిలో చికిత్స పొందుతున్నాం. కాస్త పర్వాలేదు, త్వరలోనే మేము ఇంటికి చేరుకుంటాం’ అంటూ ఆశాభావం కూడా వ్యక్తం చేశాడు.
కానీ అది జరిగిన 5 రోజుల్లోనే రాజశేఖర్ పరిస్థితి విషమంగా ఉండనే వార్త రావడంతో వారి కుటుంబలో, ఇటు అభిమానుల్లో ఆందోళన మొదలైంది. ‘ నాన్న కోవిడ్ తో కాస్త కష్టతరంగా పోరాడుతున్నారు. పరిస్థితి కాస్త సీరియస్ గానే ఉంది. మీ విషెస్, ప్రేమ, ప్రార్ధనలు మమ్మల్ని ప్రొటెక్ట్ చేస్తాయని ఆశిస్తున్నాం. మళ్ళీ ఇంకోసారి అడుగుతున్నా నాన్న త్వరగా కోలుకొని తిరిగి ఇంటికి రావాలని అందరూ ప్రార్ధించండి’ అని రాజశేఖర్ కుమార్తె శివాత్మిక రాజశేఖర్ ట్విట్టర్ ద్వారా అందరికీ తన అభ్యర్థన తెలిపింది. దీంతో రాజశేఖర్ అభిమానులు ఆందోళన చెందడమే కాకూండా తమ సపోర్ట్ ని తెలియజేస్తున్నారు.
ఇటీవలే ఎస్పీ బాలు చనిపోవడం సినీ రంగాన్ని మొత్తం శోఖ సముద్రంలో ముంచెత్తింది. అదే సమయంలో ఇలా రాజశేఖర్ హెల్త్ కండిషన్ కూడా సీరియస్ అవ్వడం బాధాకరమైన విషయం. రాజశేఖర్ అండ్ జీవితాలు త్వరగా కోలుకోవాలని ప్రార్ధిద్దాం.
Dear All.
Nanna's fight with covid has been difficult, yet he is fighting hard.
We believe that it is your prayers love and well wishes that protect us and keep us going.
I am here asking you, to pray for Nanna's speedy recovery!
With your love, he'll come out stronger💖🙏— Shivathmika Rajashekar (@ShivathmikaR) October 22, 2020
