పవర్ స్టార్ పవన్ కళ్యాణ్ హీరోగా వచ్చిన రీసెంట్ సినిమా వకీల్ సాబ్. ఈ సినిమా థియేటర్ల వద్ద మంచి ఫలితాన్నే అందుకుంది. కోవిద్ సెకండ్ వేవ్ నేపథ్యంలో వకీల్ సాబ్ థియేట్రికల్ రన్ అనుకున్న దానికంటే ముందే ముగిసింది.
వేణు శ్రీరామ్ ఈ చిత్రాన్ని డైరెక్ట్ చేయగా అగ్ర నిర్మాత దిల్ రాజు నిర్మించాడు. వకీల్ సాబ్ రెండు వారాల్లోనే ఓటిటి రిలీజ్ అవుతుంది అని వార్తలు వచ్చినప్పుడు దిల్ రాజు ప్రెస్ మీట్ పెట్టి మరీ ఖండించాడు. కచ్చితంగా 50 రోజుల తర్వాతే ఓటిటి విడుదల అని చెప్పాడు. ఓవర్సీస్ డిస్ట్రిబ్యూటర్స్ కు కూడా దీని ప్రకారమే అగ్రిమెంట్ రాసిచ్చారు కూడా.
అయితే సెకండ్ వేవ్ కారణంగా వకీల్ సాబ్ ఓటిటిలో అనుకున్న దానికంటే ముందే విడుదలైంది. 21 రోజుల తర్వాత ప్రైమ్ లో ఈ చిత్రం స్ట్రీమ్ అవుతోంది. కానీ ఈ సినిమాను ఓటిటి నుండి పైరసీ చేసేసారు. ఒరిజినల్ ప్రింట్ ను పోలిన పైరసీ వెర్షన్ ను ఇప్పుడు డౌన్లోడ్ చేస్తున్నారు నెటిజన్లు. ఇది ప్రైమ్ కు ఎదురుదెబ్బే.
