బాలీవుడ్ సినిమాకు, తమిళ సినిమాకు సెన్సార్ విషయంలో చాలా తేడాలున్నాయి. ఏమాత్రం హాట్ అనిపించినా బ్లర్ వేయడానికి రెడీగా ఉంటారు ఇక్కడి సెన్సార్ జనాలు. ఇప్పుడు రాయ్ లక్ష్మి సినిమా విషయంలో అభిమానులకు అదే భయం పట్టుకుంది. జూలీ-2 తమిళ వెర్షన్ లో హాట్ హాట్ సీన్లు చాలా లేపేశారనే వార్తలు కోలీవుడ్ లో గుప్పుమన్నాయి. దీనిపై స్వయంగా రాయ్ లక్ష్మీ స్పందించింది.
హిందీ, తమిళ భాషల్లో ఒకేసారి విడుదలవుతున్న జూలీ-2 సినిమాకు సంబంధించి సెన్సార్ విషయంలో ఎలాంటి తేడాలు లేవంటోంది లక్ష్మీరాయ్. తను నటించిన కొన్ని హాట్ సన్నివేశాలను బాలీవుడ్ ప్రేక్షకులు ఎలా ఆస్వాదిస్తారో.. తమిళ ప్రేక్షకులు కూడా అదే స్థాయిలో ఎంజాయ్ చేయొచ్చని గట్టిగా చెబుతోంది. హిందీ వెర్షన్ లో ఎన్ని సీన్లు ఉంటాయో.. తమిళ వెర్షన్ లో కూడా యథాతథంగా ఉంటాయని చెబుతోంది.
బోల్డ్ అండ్ బ్యూటిఫుల్ గా తను నటించిన ఎన్నో సన్నివేశాలు సెన్సార్ అధికారులకు కూడా నచ్చాయంటోంది రాయ్ లక్ష్మీ. చాలామంది వాటిని ఘాటు సన్నివేశాలు అనుకుంటున్నారని.. కానీ ఆ సన్నివేశాల వెనకున్న సారాంశాన్ని అర్థంచేసుకోవాలని ఇంటర్వ్యూల్లో ఏదోదే చెబుతోంది.
తెర నిండా ఎక్స్ పోజింగ్ చేయడం, తర్వాత అందులో దర్శకుడి కోణాన్ని, కళాత్మకతను అర్థం చేసుకోవాలని స్టేట్ మెంట్స్ ఇవ్వడం ఇప్పుడు కామన్ అయిపోయింది. రాయ్ లక్ష్మీ కూడా అదే చెబుతోంది.
