సూపర్ స్టార్ మహేష్ బాబు ప్రస్తుతం ఫుల్ ఫ్లో లో ఉన్నాడు. రీసెంట్ గా సరిలేరు నీకెవ్వరు చిత్రంతో హ్యాట్రిక్ విజయాన్ని అందుకున్న మహేష్ బాబు ఇప్పుడు సర్కారు వారి పాటతో మరో హ్యాట్రిక్ కు తెరలేపాలని భావిస్తున్నాడు. పరశురామ్ ఈ చిత్రానికి దర్శకుడన్న విషయం తెల్సిందే. ఈ చిత్ర షూటింగ్ నవంబర్ నుండి మొదలుపెట్టాలని టీమ్ భావిస్తోంది. మొదటి షెడ్యూల్ ను వాషింగ్టన్ లో ప్లాన్ చేశారట. వచ్చే నెలలో పరశురామ్, సినిమాటోగ్రాఫర్ కలిసి యూఎస్ వెళ్లి సీన్లకు సంబంధించి లొకేషన్స్ ను ప్లాన్ చేయనున్నారట. అలాగే మరోవైపు సర్కారు వారి పాట మ్యూజిక్ సెషన్స్ ను పూర్తి చేయబోతున్నారు. ఇప్పటికే థమన్ సర్కారు వారి పాట ట్యూన్స్ పై వర్క్ చేస్తున్నాడు.
ఇదిలా ఉండగా ఈ సినిమాలో విలన్ పాత్రకు కొన్ని వారాల క్రితం కన్నడ నటులు ఉపేంద్ర, సుదీప్ పేర్లు వినిపించాయి. అయితే అదేమీ నిజాలు కావని తెలుస్తోంది. తాజా సమాచారం ప్రకారం ఈ సినిమా కోసం బాలీవుడ్ విలన్ ను కన్సిడర్ చేస్తున్నారు. ఇప్పటికే పరశురామ్ బాలీవుడ్ ప్రముఖ నటుడు అనిల్ కపూర్ ను కలిసి ఈ సినిమా విషయంపై ప్రతిపాదన పెట్టి తన పాత్రను నరేట్ చేసాడట. అయితే ఇంకా అనిల్ కపూర్ తన నిర్ణయాన్ని వెల్లడించలేదని తెలుస్తోంది.
కీర్తి సురేష్ హీరోయిన్ గా నటిస్తోన్న ఈ సినిమాను మైత్రి మూవీ మేకర్స్, 14 రీల్స్, మహేష్ బాబు కలిసి సంయుక్తంగా నిర్మించనున్నారు.
