విశ్వక్ సేన్ కి హిట్ తో హిట్ రావడమే కాదు అతనికి యూత్ ఫాలోయింగ్ బాగానే ఉందనే సంగతి కూడా స్పష్టమయింది. ఫలక్ నమా దాస్ కి ఓపెనింగ్స్ వచ్చినపుడు అది ట్రైలర్ ఎఫెక్ట్ అనుకున్నారు. కానీ విజయ్ దేవరకొండ శైలిని అనుకరించే విశ్వక్ కి యూత్ లో ఒక వర్గం సపోర్ట్ దక్కుతోంది. హిట్ సినిమాకి థియేటర్ల నుంచి పెద్ద లాభాలు రాలేదు కానీ నాన్ థియేట్రికల్ మీద బాగానే వస్తోంది. దీంతో అతనితో అయిదారు కోట్ల సినిమాలు బెంగ లేకుండా తీసుకోవచ్చునని నిర్మాతలు ధైర్యం చేస్తున్నారు.
తన డిమాండ్ పెరిగి దిల్ రాజు లాంటి నిర్మాతలు ముందుకు వస్తూ ఉండడంతో విశ్వక్ తన రేటు పెంచేసాడు. ఇప్పుడు కోటి రూపాయలకి పైగా పారితోషికం అడుగుతున్నాడు. తన పేరు మీద అయిదారు కోట్ల బిజినెస్ ఈజీగా జరిగిపోద్ది అన్నప్పుడు ఈ మాత్రం అడగడంలో వింత లేదు. విశ్వక్ సేన్ రైజ్ అవడంతో ఈ రేంజ్ లో ఉన్న హీరోలకి భయం పట్టుకుందిపుడు.
