బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 697 ఎపిసోడ్‌లను పూర్తి చేసుకుని.. 698 ఎపిసోడ్‌కి ఎంటర్ అయ్యింది. ఈ ఎపిసోడ్‌ హైలైట్స్ మీకోసం. 7. 30 అయ్యిందంటే మహిళా ప్రేక్షకుల్ని టీవీలకు అతుక్కుపోయేలా చేస్తున్న ఈ సీరియల్ నేటి నేటి (జనవరి 7) రాత్రి ఎపిసోడ్‌లో ఏం జరగనుందో ‘సమయం’లో మీకోసం ముందుగానే.
గత ఎపిసోడ్‌లో ఏం జరిగిందంటే…
సౌర్య ఏదో ఆలోచిస్తూ పుస్తకం మీద పిచ్చి గీతలు పెడుతూ ఉంటుంది. అది చూసిన దీప కోపంతో.. ‘అత్తమ్మా ఏంటది ఏం రాస్తున్నావ్?’ అని అరుస్తుంది దీప. ‘పరీక్షల్లో కూడా ఇలానే గీతలు తీశావా? కలెక్టర్ అవుతానని మాటిచ్చావ్? క్లాస్‌లో కూడా ఇంత పరధ్యానంగా ఉంటున్నావా? అందుకే మార్కులు తక్కువ వస్తున్నాయా?’ అంటూ తిడుతుంది. ‘నేను బుక్ తెరిస్తే చాలమ్మా నాన్నే గుర్తుకొస్తున్నారు’ అంటూ బాధగా చెబుతుంది సౌర్య. తర్వాత కూడా వరస ప్రశ్నలు వేస్తుంటే.. దీప బాగా ఏడుస్తుంది.
దీపలో కోపం, బాధ ఏకమై…
చెప్పు తెగిపోయిందని పిన్ పెట్టుకుంటూ.. తల్లి దీపతో ‘మంచి షోరూమ్ లో కొనమ్మా చెప్పులు.. హిమకి నాన్న అన్నీ మంచివే కొంటాడు’ అంటూ ఏదేదో అంటుంది. అప్పటికే సౌర్య చేతిలోని చెప్పు, పిన్ తీసుకున్న దీప…అదంతా వింటూ.. బాధగా ఆలోచిస్తూ.. పిన్నీస్ చేతి వేలులో చూసుకోకుండా గట్టిగా గుచ్చుకుంటుంది. రక్తం బాగా వస్తుంది. వెంటనే సౌర్య టెన్షన్‌గా క్లాత్ తెవడానికి వెళ్లింది. దీప కోపంతో, బాధతో చేతిలోని చెప్పుని విసిరికొడుతుంది. బాగా ఏడుస్తుంది. ఇంతలో సౌర్య క్లాత్ తెచ్చి దీప వేలుకి కడుతుంది.
ఏదీ సరిగా చెయ్యడం రాదు!
దీప చేతికి క్లాత్ కట్టిన తర్వాత.. ‘ఇటివ్వు.. ఏదీ సరిగా చెయ్యడం రాదు’ అని చెప్పు లాక్కుని.. మళ్లీ ప్రశ్నల వర్షం కురిపిస్తుంది. ‘హిమకి పాపం అన్నీ ఉన్నాయి కానీ.. అమ్మ లేదుకదమ్మా..? ఆవిడ నీకు తెలుసా అమ్మా? నువ్వు ఆమెతో మాట్లాడావా?’ అంటూ ప్రశ్నల మీద ప్రశ్నలు వేస్తుంది. వరస ప్రశ్నలకు టెన్షన్‌తో దీప.. ‘వాళ్ల సంగతి మనకు ఎందుకమ్మా?’ అంటుంది.
నేను అన్నీ తెలుసుకునే తీరతా!’
అయితే సౌర్య కోపంగా.. ‘హా.. నిన్ను అడిగితే ఏ రోజు నిజం చెప్పావ్? నాన్న గురించి అడిగి అడిగి చివరికి నేనే నిజం తెలుసుకున్నాను. ఇప్పుడు హిమ వాళ్ల అమ్మ ఎవరో కూడా నేనే తెలుసుకుంటాను’ అంటుంది సౌర్య గట్టిగా. దీప షాక్ అవుతుంది. ఇవన్నీ నీకు అవసరమా? అన్న దీప ప్రశ్నకు.. ‘అవసరమే.. నేను అన్నీ తెలుసుకునే తీరతా!’ అంటుంది సౌర్య.
2 రోజుల్లో శ్రావ్య డెలివరీ!
శ్రావ్య’ ఆదిత్యల దగ్గర భాగ్యం హడావిడి చేస్తూ ఉంటుంది. ఇంతలో రిజ్వానా డాక్టర్ వచ్చి శ్రావ్యని చెక్ చేసి రెండు రోజుల్లో ఆస్పత్రుల్లో జాయిన్ చేయాల్సి ఉంటుందని చెప్పి.. వెళ్లిపోతుంది.(భాగ్యానికి దూరంగా ఉండమని చెప్పడం భలే కామెడీగా ఉంటుంది). శ్రావ్య డెలివరీ విషయం సౌందర్యకు ఫోన్ చేసి చెప్పాడు ఆదిత్య.
ఓవర్ యాక్షన్ ఎందుకు?
ఇంతలో మురళి కృష్ణ సౌందర్య ని కలవడానికి ఫైల్ తీసుకుని వస్తాడు. ‘అక్కడ ఆఫీస్ పనులన్నీ చక్కగా జరిగే బావగారు’ అని ఆనందరావు.. మురళీ కృష్ణుని పలకరిస్తాడు. ఇంతలో కార్తీక్ కిందకి దిగడం చూసి.. కూర్చున్న మురళీకృష్ణ గౌరవంగా పైకి లేస్తాడు. అది చూసి కోపంగా ‘మీరు నన్ను చూసి.. ఎందుకు పైకి లేచారు? ఎందుకింత ఓవర్ యాక్షన్? మీకు నాకు ఏమైనా చుట్టరికం ఉందా?’ అని బాగా తిడతాడు. సీన్ కట్ చేస్తే అది మొత్తం హిమ వినేస్తుంది.
‘డాడీ పెద్ద వాళ్ళని గౌరవించాలని నువ్వే చెప్పి, ఇప్పుడు
పైనున్న హిమ.. కోపంగా కిందకి దిగి.. ‘డాడీ పెద్ద వాళ్ళని గౌరవించాలని నువ్వే చెప్పి, ఇప్పుడు ఆ తాతయ్య ఎందుకు తిడుతున్నవ్? మొన్న నేను నాన్నమ్మని ఏదో అన్ననని నువ్వు నన్ను బాగా తిట్టావు కదా? మరి ఇప్పుడు నువ్వు చేస్తున్నదేంటి?’ అంటూ ప్రశ్నల మీద ప్రశ్నలు వేసింది. దాంతో అంత షాక్ అవుతారు. కార్తీక్ కవర్ చేసుకోవడానికి ‘మాలతీ టీ తీసుకొచ్చి ఆయనకి ఇవ్వు.. హిమని స్కూల్ కి రెడీ చెయ్’ అంటాడు.
‘స్కూల్ లో ఈరోజు నాకు ప్రైజ్ ఇస్తారు తాతయ్య మీరు రండి’ అంటుంది హిమ. దాంతో సరే అంటారు సౌందర్య ఆనందరావు. కార్తీక్ అక్కడ నుంచి వెళ్లిపోవడంతో.. మురళీకృష్ణ కూడా హిమకు కంగ్రాట్స్ చెప్పి జేబులో డబ్బులు తీసి.. చేతిలో పెడతాడు. ‘థాంక్స్ తాతయ్య’ అంటుంది హిమ. ఇటు సౌర్య కూడా స్కూల్ ఫంక్షన్ కోసం రెడీ అవుతుంది.
అమ్మా.. నువ్ నాకు ఇష్టపడి కొన్న డ్రెస్
దీప బలబద్రపురంలో ఉన్నప్పుడు సౌర్యకి.. కొన్న డ్రెస్ వేసుకుంటుంది సౌర్య. ‘అప్పుడు నువ్వు ఎంత కష్టపడ్డావో తెలియక నేను తిట్టానమ్మా. కానీ ఇప్పుడు.. నాకు ఈ డ్రెస్ అంటే చాలా ఇష్టం. నేను ఇదే వేసుకుంటాను అమ్మా’ అని అది వేసుకుని రెడీ అవుతుంది. దీప సౌర్యని చూసి పొంగిపోయి గుండెలకు హత్తుకుని.. ప్రేమగా ముద్దాడుతుంది.
ఆసక్తిగా మారిన కథ!
మొత్తానికి ఇటు సౌర్య, దీప.. అటు సౌందర్య, ఆనందరావు, కార్తీక్, హిమలు… స్కూల్లో కలవనున్నారు. మరోవైపు అందరిలోనూ విడాకుల టెన్షన్ పెరిగింది. ఈ పరిస్థితుల్లో కార్తీక్, దీపలు ఎలా కలుస్తారన్నది ఆసక్తిగా మారింది. మరిన్ని వివరాలు తరువాయి భాగంలో చూద్దాం. కార్తీకదీపం కొనసాగుతోంది.
