యాక్టింగ్ టాలెంట్, అందం రెండూ ఉన్న అమ్మాయి రెజీనా కసాండ్రా. కానీ ఆమె టాలెంటుకు, అందానికి తగ్గ అవకాశాలు మాత్రం దక్కలేదు. తెలుగులో ఒక్కో మెట్టు ఎక్కుతూ కొంచెం రైజ్ అవుతున్న టైంలో వరుస ఫ్లాపులు ఆమెను కిందికి లాగేశాయి. ఆ సమయంలోనే కొన్ని తమిళ అవకాశాలు రావడంతో సొంత ఇండస్ట్రీలోకి వెళ్లిపోయింది ఈ చెన్నై అమ్మాయి.
కెరీర్ ఓ మోస్తరుగా నడుస్తున్న టైంలో గత ఏడాది ఆమెకు ఓ బాలీవుడ్ క్రేజీ ప్రాజెక్టులో అవకాశం దక్కింది. అదే.. ఆంఖే-2. అనీస్ బజ్మి దర్శకత్వంలో విపుల్ షా ప్రొడ్యూస్ చేయాల్సిన సినిమా ఇది. ఈ సినిమాకు కర్టెన్ రైజర్ కార్యక్రమాన్ని ఓ రేంజిలో చేశారు గత ఏడాది.
ఆ వేడుక కోసం రెజీనా చాలా సెక్సీగా తయారై రావడం.. స్టేజ్ మీద డ్యాన్స్ చేస్తుండగా.. ఆమె డ్రెస్ కొంచెం అటు ఇటు అయి అదో హాట్ టాపిక్ కావడం గుర్తుండే ఉంటుంది. ఆ దెబ్బతో బాలీవుడ్లో రెజీనా పేరు బాగానే చర్చనీయాంశమైంది. ఐతే ఇంత హంగామా చేసి మొదలుపెట్టిన సినిమా ఇప్పుడు ఆగిపోయినట్లుగా వార్తలొస్తున్నాయి. కారణాలేంటో తెలియలేదు కానీ.. ‘ఆంఖే-2’ ముందుకైతే కదలట్లేదట. కొంత భాగం షూటింగ్ చేసి మధ్యలోనే ఆపేసినట్లు సమాచారం.
రెజీనా ఇంకా షూటింగ్‌లోనే పాల్గొనలేదట. మొత్తానికి ఓ క్రేజీ బాలీవుడ్ ప్రాజెక్టులో అవకాశం దక్కినట్లే దక్కి చేజారిపోయింది రెజీనాకు. దీంతో ఆమె బాలీవుడ్ కలలకు బ్రేక్ పడినట్లే అయింది. తమిళంలో కూడా ఆమెకు పెద్దగా అవకాశాలేమీ లేవు. చూస్తుంటే ఒకట్రెండేళ్లలో రెజీనా కెరీర్‌కు తెరపడిపోయేలా కనిపిస్తోంది.
