మెగా హీరో వరుణ్ తేజ్ కెరీర్ ప్రస్తుతం సాఫీగా సాగిపోతోంది. గద్దలకొండ గణేష్ సినిమాతో సూపర్ హిట్ ను అందుకున్న వరుణ్ తేజ్ కొంత గ్యాప్ తీసుకుని బాక్సింగ్ డ్రామాను మొదలుపెట్టిన విషయం తెల్సిందే. ఈ సినిమా షూటింగ్ కోవిద్ వలన కొంత ఆలస్యం కాగా, బాక్సింగ్ ప్రాక్టీస్ లో వరుణ్ కు గాయమవడంతో షూటింగ్ కు మరోసారి బ్రేక్ పడింది.
అయితే ఈ అవరోధాలను దాటుకుంటూ ఈ చిత్ర షూటింగ్ సాఫీగా సాగుతోంది. గని అనే టైటిల్ తో రూపొందుతోన్న ఈ చిత్రం జులై 30న విడుదలవుతుందని అధికారికంగా ప్రకటించారు. అయితే అదే రోజున ప్రభాస్ రాధే శ్యామ్ కూడా తమ విడుదల తేదీను ప్రకటించడంతో ఇప్పుడు వరుణ్ తేజ్ కు డేట్ మార్చడం తప్ప మరో అవకాశం లేదు.
ఎందుకంటే రాధే శ్యామ్ భారీ అంచనాల మధ్య వస్తోంది. ఆ చిత్రంతో పోటీకి వెళితే రెవిన్యూ ఎఫెక్ట్ అయ్యే ఛాన్స్ ఉంది. అందుకే ఇంకొంచెం ముందుగా జులై 2న వస్తే ఎలా ఉంటుందా అని వరుణ్ ఆలోచిస్తున్నట్లు సమాచారం.
