బుల్లితెర ప్రేక్షకుల్ని ఎంతగానో ఆకట్టుకుంటున్న ‘కోయిలమ్మ’ సీరియల్‌ 726 ఎపిసోడ్‌లను పూర్తి చేసుకుని.. 727 ఎపిసోడ్‌కి ఎంటర్‌ అయ్యింది. ఈ ఎపిసోడ్‌ హైలైట్స్‌ మీకోసం. తెలుగు ప్రేక్షకుల్ని ఎంతగానో ఆకట్టుకుంటూ.. సరికొత్త రాగాలను పలిగిస్తున్న కోయిలమ్మ కథ ఏం జరిగిందో చూద్దాం!
గ‌త ఎపిసోడ్‌లో ఏం జ‌రిగిందంటే…
మనోరమా కావాలనే విషాన్ని పారేయ్యమంటూ సింధూకి ఇస్తుంది. సింధూ రమేష్ చంద్రకు తాగించాలనేదే మనోరమా ఉద్దేశం. అలాగే సింధూ పాలలో ఆ విషాన్ని కలిపి పట్టుకుని వెళ్లి ఇస్తుంది. అయితే రమేష్ చంద్ర ఆ పాల గ్లాస్‌ని విసిరికొడుతాడు. పాలన్నీ వలిగిపోతాయి. చిన్నీ బస్తీలో మనుషులతో బాగా కలిసిపోతుంది. తను పాడిన పాట విన్న చిన్నీ మేనత్త(ధనా తల్లి) నువ్వు చిన్నీవే కదా? అని నిలదీస్తుంది. దాంతో చిన్నీ అబద్దం చెప్పి తప్పించుకుంటుంది.
లక్ష్మీ ఆశ
చిన్నీ పక్కింటి బామ్మ కలిసి కూరగాయలకు వెళ్తారు. అక్కడ ఆమె ‘బుజ్జమ్మా నువ్వు బంగారానివి తల్లీ.. కానీ ఆ దేవుడు నీకు చాలా కష్టాలు పెట్టాడు’ అంటూ బాధపడుతుంది. అయితే చిన్నీ నవ్వుతూ.. ‘లేదు బామ్మా.. ఆ దేవుడు కష్టాలు పెట్టడు. ఈ బస్తీ జనంతో నాకు ఎప్పుడు రుణముండి ఉంటుంది. అది తీర్చుకోవడానికి పంపించాడంతే’ అంటూ సర్ది చెబుతుంది. లక్ష్మీ ఇంటి పెరటిలో ‘ఓ మొక్క నాటి.. ఇది పచ్చగా ఉన్నంత కాలం చిన్నీ క్షేమంగా ఉన్నట్లే’ అనుకుంటుంది.
నీకు పోయిందేముంది?
మనోజ్ కుమార్ మాతృవందనం(తల్లి మీద పాటలు) ప్రాజెక్ట్‌కి సంబంధించి వచ్చిన గెస్ట్‌లతో మాట్లాడుతూ ఉంటాడు. అది చూసి ఇంద్రజా కోపం తెచ్చుకుంటుంది. పక్కనే ఉన్న లక్ష్మీ.. ‘ఎందుకు అలా బాధపడతాడు. నీ భర్త మంచి ఆశయాన్ని చేపడితే.. ఎందుకు అలా ఇబ్బంది పడుతున్నావ్?’ అని అడుగుతుంది. దాంతో ఇంద్రజా ‘చూడక్కా.. సినిమాలో పాటలు పాడి డబ్బులు సంపాదించక, ఈ ప్రాజెక్ట్ పేరు చెప్పి ఆస్తి మొత్తం నాశనం చేయాలనుకుంటున్నాడు’ అంటుంది. ‘అయినా నీ జాగ్రత్తల్లో నువ్వు ఉన్నావుగా.. నీకు పోయిందేముంది?’ అంటుంది లక్ష్మీ. (బ్యాంక్ లోన్స్ రాకుండా మొత్తం ఆస్తిని మోసం చేసి ఆమె పేరున మార్చుకుంటుంది ఇంద్రజా.. లోన్ కావాలంటే ఇంద్రజ సైన్ చేయాల్సి ఉంటుంది) ఆ విషయాన్ని గుర్తు చేస్తూ లక్ష్మీ అలా అనే సరికి.. ‘రోడ్డున పడకుండా నా జాగ్రత్తల్లో నేను ఉన్నాను అంతే అక్కా.. నువ్వైనా మనోజ్‌కి నచ్చజెప్పు ఇవన్నీ ఆపెయ్యమని’ అని చెప్పి వెళ్లిపోతుంది.
రమేష్ చంద్రకి మ్యూజిక్ థెరపీ
డాక్టర్ రమేష్ చంద్రను చెక్ చేసి.. పరిస్థితి కొంత మెరుగైంది. కాబట్టి.. మీరు ఇక మ్యూజిక్ థెరపీ చేయించండి’ అంటాడు. దానికి అమర్, సమీర్‌లు సరే అంటారు. సింధూ, మనోరమలు షాక్ అవుతారు. అయితే పనిమనిషి పైడుతల్లి.. ‘రమేష్ చంద్ర త్వరగా కోల్కోవాలంటే చిన్నీ(కోడలమ్మ) పాట వింటే చాలని అర్థం చేసుకుని.. అమర్, సమీర్‌లు ఇంట్లో లేని సమయంలో రమేష్ చంద్రకు వినిపించేలా చిన్నీ పాట పెడతుంది. దాంతో రమేష్ చంద్ర చిన్నీ.. చిన్నీ అంటూ అరుస్తూ ఆ సౌండ్ బాక్స్‌ల దగ్గరకు వెళ్తాడు. ఇంతలో అమర్ వచ్చి.. ‘దీన్ని ఎవరు ఆన్ చేశారు? దాని(చిన్నీ)కి సంబంధించిన పాట గానీ, వస్తువుగానీ ఉండటానికి వీళ్లేదు అంటూ రెచ్చిపోతాడు.
కమింగ్ అప్‌లో…
అప్పుడప్పుడూ తెలుగు బుల్లితెరలో రెండు సీరియల్స్ కలిసి సందడి చేయడం తెలిసిన విషయమే. అందులో భాగంగా.. అగ్నిసాక్షి హీరో శంకర్ బాబు(సీరియల్‌లో డాక్టర్ చదువుతుంటాడు) మెడికల్ క్యాప్ కోసం చిన్నీ ఉన్న బస్తీకి వస్తాడు. ధనా, లాయర్‌ల ముందే శంకర్ బాబు.. చిన్నీని గుర్తు పడతాడు. ‘మీరు స్వరా ఆడియో కంపెనీ ఎండీ రమేష్ చంద్రగారి కోడలు కదూ? మీ పేరు కోకిల కదూ?’ అంటూ ప్రశ్నిస్తుంటాడు. అది విన్న ధన, లాయర్ ఇద్దరూ షాక్ అవుతారు. మరిన్ని వివరాలు తరువాయి భాగంలో చూద్దాం! కోయిలమ్మ కొనసాగుతుంది.
