బాలీవుడ్ మాజీ స్టార్ హీరోయిన్ శిల్పా శెట్టి భర్త రాజ్ కుంద్రా అరెస్టు బాలీవుడ్ ని కుదిపేసింది. పోర్నోగ్రఫీ ఆరోపణల నేపథ్యంలో రాజ్ కుంద్రాను ముంబై క్రైమ్ బ్రాంచ్ పోలీసులు అరెస్టు చేసిన విషయం తెలిసిందే. ఈ నేపథ్యంలో శిల్పాశెట్టి అజ్ఞాతంలోకి వెళ్లిపోయినట్టు తెలుస్తోంది. మీడియాకు ఆమె ఆచూకీ లభ్యం కావడంలేదు. జుహూ ప్రాంతంలో ఆమె తన కుటుంబసభ్యులతో కలిసి నివసిస్తోందని అంటున్నారు. ప్రస్తుతం ఆమె సూపర్ డ్యాన్సర్ షో 4వ సీజన్ కు జడ్జిల్లో ఒకరిగా ఉంటున్నారు.
ఈ షోలో పాల్గొనేందుకు కూడా ఆమె అందుబాటులోకి రావడం లేదని అంటున్నారు. రాజ్ కుంద్రాపై పోర్నోగ్రఫీ ఆరోపణల నేపథ్యంలో ఆమెను కూడా పోలీసులు విచారించే అవకాశం ఉందని అంటున్నారు. గతంలో ఐపీఎల్ లో రాజస్థాన్ రాయల్స్ ఫ్రాంచైజీలుగా ఉన్న రాజ్ కుంద్రా-శిల్పాశెట్టి దంపతులు ఫిక్సింగ్ కు పాల్పడ్డారనే ఆరోపణలు ఎదుర్కొన్నారు. దీంతో రాజ్ కుంద్రాను ఐపీఎల్ నుంచి బహిష్కరించారు కూడా.
