సినిమా షూటింగ్లతో బిజీగా గడుపుతూనే, మరోవైపు తన గ్లామరస్ ఫోటోషూట్స్తో సోషల్ మీడియాలో అభిమానులను అలరిస్తూ ఫాలోవర్స్ను పెంచుకుంటున్నారు హీరోయిన్స్. యంగ్ హీరోయిన్స్ నుండి సీనియర్ నటీమణుల వరకు అందరూ తమ ఫ్యాషన్ సెన్స్తో నెటిజన్స్ దృష్టిని ఆకర్షిస్తున్నారు. ఈ జాబితాలో ప్రస్తుతం నభా నటేష్ ప్రత్యేకంగా నిలుస్తోంది.
నన్ను దోచుకుందువటే సినిమాతో తెలుగు ప్రేక్షకులను పరిచయం చేసుకున్న నభా నటేష్, మొదటి చిత్రంతోనే మంచి గుర్తింపు సంపాదించుకుంది. తన నటనతో పాటు గ్లామర్తోనూ ఆకట్టుకున్న ఈ ముద్దుగుమ్మ, పూరి జగన్నాథ్ దర్శకత్వంలో వచ్చిన ఇస్మార్ట్ శంకర్ సినిమాతో ఒక్కసారిగా స్టార్డమ్ను అందుకుంది. రామ్ పోతినేని, నిధి అగర్వాల్తో కలిసి నటించిన ఈ చిత్రం భారీ విజయాన్ని సాధించడంతో నభా నటేష్ “ఇస్మార్ట్ బ్యూటీ”గా గుర్తింపు పొందింది.
తరువాత డిస్కో రాజా, సోలో బ్రతుకే సో బెటర్, అల్లుడు అదుర్స్, డార్లింగ్ వంటి చిత్రాల్లో నటించినప్పటికీ, ఈ సినిమాలు ఆమెకు ఆశించిన విజయాన్ని అందించలేదు. దీంతో కొంతకాలం ఇండస్ట్రీకి విరామం తీసుకున్న నభా నటేష్, చిన్న యాక్సిడెంట్ కారణంగా కూడా సినిమాలకు దూరమైంది.
ఇప్పుడు పూర్తిగా కోలుకుని మళ్లీ రీఎంట్రీ ఇచ్చిన ఈ బ్యూటీ, వరుసగా పాన్ ఇండియా ప్రాజెక్ట్లలో అవకాశాలు దక్కించుకుంటోంది. నిఖిల్ సిద్ధార్థ హీరోగా నటిస్తున్న భారీ చారిత్రక పీరియడ్ డ్రామా స్వయంభూ సినిమాలో ఆమె సుందరవల్లి అనే యువరాణి పాత్రలో కనిపించనుంది. అలాగే నాగబంధం సినిమాలో పవర్ఫుల్ పాత్రలో నటిస్తోంది.
ఇక సినిమా రిలీజ్కు సిద్ధమవుతున్న నేపథ్యంలో, నభా నటేష్ సోషల్ మీడియాలో తన గ్లామర్తో మరోసారి హాట్ టాపిక్గా మారింది. తాజాగా ఆరెంజ్ కలర్ అనార్కలి డ్రెస్లో చేసిన ఫోటోషూట్తో అభిమానులను ఆకట్టుకుంది. హెవీ ఎంబ్రాయిడరీ ఉన్న లాంగ్ అనార్కలి ధరించి, సింపుల్ కానీ ఎలిగెంట్ లుక్లో కనిపిస్తూ తన అందాన్ని మరింత హైలైట్ చేసింది.
పొడవాటి జుట్టు, స్టైలిష్ చెవి దిద్దులు, ఆకర్షణీయమైన కళ్లతో ఆమె లుక్ అభిమానులను విపరీతంగా ఆకట్టుకుంటోంది. మొత్తానికి నభా నటేష్ తన కొత్త ప్రాజెక్ట్స్తో పాటు సోషల్ మీడియా గ్లామర్తోనూ మళ్లీ లైమ్లైట్లోకి వచ్చింది.
Recent Random Post:
