సౌత్ ఇండస్ట్రీలో స్టార్ హీరోయిన్గా ప్రత్యేక గుర్తింపు తెచ్చుకున్న Keerthy Suresh తన ఫిట్నెస్ జర్నీ గురించి ఆసక్తికర విషయాలను పంచుకుని మరోసారి వార్తల్లో నిలిచారు. మహానటి సినిమాతో జాతీయ అవార్డు అందుకున్న కీర్తి, గత కొంతకాలంగా తన బరువు తగ్గుదలపై వస్తున్న ట్రోల్స్, సర్జరీల ప్రచారాలకు ఇప్పుడు గట్టిగా సమాధానం ఇచ్చారు.
తాను పూర్తిగా సహజమైన పద్ధతిలోనే 9 నెలల్లో 10 కేజీల బరువు తగ్గానని కీర్తి వెల్లడించారు. మహానటి సినిమా తర్వాత వచ్చిన చిన్న బ్రేక్ సమయంలో తన ఆరోగ్యం, ఫిట్నెస్పై ఫోకస్ పెట్టాలని నిర్ణయించుకున్నట్లు తెలిపారు. అప్పటివరకు వర్కౌట్స్పై పెద్దగా ఆసక్తి లేకపోయినా, ఆ తర్వాత క్రమశిక్షణతో కొత్త లైఫ్స్టైల్ను ప్రారంభించానని చెప్పారు.
బరువు తగ్గే ప్రయాణంలో హై-ప్రోటీన్, లో-కార్బ్ డైట్ను కచ్చితంగా పాటించినట్లు ఆమె వెల్లడించారు. కార్బోహైడ్రేట్లు తగ్గించి, ప్రోటీన్లు అధికంగా ఉండే ఆహారాన్ని తీసుకోవడం ద్వారా శరీరంలో మంచి మార్పులు వచ్చాయని తెలిపారు. దీనితో పాటు హై-ఇంటెన్సిటీ ఇంటర్వెల్ ట్రైనింగ్, కార్డియో వర్కౌట్స్ కూడా రెగ్యులర్గా చేసినట్లు చెప్పారు.
తన ట్రాన్స్ఫార్మేషన్ వెనుక ఎలాంటి సర్జరీలు లేవని స్పష్టం చేసిన కీర్తి, సోషల్ మీడియాలో వచ్చిన రూమర్స్ తనను బాధించాయని అన్నారు. “కొంచెం బొద్దుగా ఉన్నప్పుడు లావుగా ఉన్నావన్నారు.. సన్నబడిన తర్వాత బలహీనంగా ఉన్నావంటూ మాట్లాడారు. కొందరు సర్జరీలు చేయించుకున్నానని కూడా ప్రచారం చేశారు. కానీ నేను ఎప్పుడూ నా ముఖం, శరీరాన్ని సహజంగానే ఉంచుకోవాలనుకుంటాను” అంటూ ఆమె స్పందించారు.
బాడీ షేమింగ్ చేసే వారి వ్యాఖ్యలపై కూడా కీర్తి అసహనం వ్యక్తం చేశారు. “ఒకరు సన్నగా ఉంటే లావుగా అవ్వమంటారు.. లావుగా ఉంటే సన్నబడమంటారు. చివరకు మనం ఎలా ఉన్నా మాట్లాడేవాళ్లు మాట్లాడుతూనే ఉంటారు” అంటూ సోషల్ మీడియాలో వచ్చే విమర్శలపై తన అభిప్రాయం వెల్లడించారు.
ఒకప్పుడు వర్కౌట్స్ను అస్సలు ఇష్టపడని తాను, ఇప్పుడు వాటిని జీవితంలో భాగంగా మార్చుకున్నానని కీర్తి చెప్పారు. ప్రస్తుతం స్ట్రెంత్ ట్రైనింగ్, యోగా రెండింటినీ బ్యాలెన్స్ చేస్తూ ఫిజికల్ ఫిట్నెస్తో పాటు మానసిక ప్రశాంతతను కూడా పొందుతున్నానని తెలిపారు.
పక్కా ప్లానింగ్, క్రమశిక్షణ, ఆరోగ్యకరమైన జీవనశైలి ఉంటే ఎవరైనా తమ ఫిట్నెస్ గోల్స్ను సాధించవచ్చని కీర్తి సురేష్ తన ప్రయాణంతో నిరూపించారు. బాడీ షేమింగ్ను పట్టించుకోకుండా ఆరోగ్యంపై దృష్టి పెట్టడం ఎంత ముఖ్యమో ఆమె మాటలు మరోసారి గుర్తు చేస్తున్నాయి.
Recent Random Post:
