కోలీవుడ్ స్టార్ దర్శకుడు అట్లీ, ‘జవాన్’ విజయంతో పాన్ ఇండియా స్థాయిలో తన మార్క్ను మరింత బలంగా చాటుకున్నాడు. అంతకుముందే విజయ్తో తెరకెక్కించిన ‘తేరి’, ‘మెర్సల్’, ‘బిగిల్’ చిత్రాలు భారీ విజయాలు సాధించడంతో అట్లీపై ప్రేక్షకుల్లో ప్రత్యేకమైన నమ్మకం ఏర్పడింది. ఇప్పుడు ఆయన దర్శకత్వంలో రూపొందుతున్న ప్రతి ప్రాజెక్ట్పై దేశవ్యాప్తంగా భారీ అంచనాలు నెలకొంటున్నాయి.
ప్రస్తుతం అట్లీ, తెలుగు స్టార్ హీరో అల్లు అర్జున్తో ‘రాకా’ చిత్రాన్ని తెరకెక్కిస్తున్న సంగతి తెలిసిందే. ఇద్దరు పాన్ ఇండియా స్టార్లు కలిసి చేస్తున్న ఈ భారీ ప్రాజెక్ట్పై ఇప్పటికే సినీ వర్గాల్లో ఆసక్తి నెలకొంది. విడుదలైన పోస్టర్, గ్లింప్స్కు మంచి స్పందన రావడంతో సినిమాపై అంచనాలు మరింత పెరిగాయి. ప్రస్తుతం షూటింగ్ చివరి దశకు చేరుకున్నట్లు సమాచారం. అనంతరం దాదాపు పది నెలల పాటు విజువల్ ఎఫెక్ట్స్ పనులు జరిగే అవకాశం ఉందని, వచ్చే ఏడాది చివర్లో సినిమాను విడుదల చేయాలని మేకర్స్ ప్లాన్ చేస్తున్నట్లు ప్రచారం జరుగుతోంది.
‘రాకా’ తర్వాత అట్లీ ఏ హీరోతో సినిమా చేయబోతున్నాడన్న అంశం కూడా ఇండస్ట్రీలో హాట్ టాపిక్గా మారింది. అధికారిక ప్రకటన ఏదీ లేకపోయినా, 2028 ఆరంభంలో తన తదుపరి చిత్రాన్ని ప్రారంభించేలా ఆయన ప్రణాళికలు సిద్ధం చేస్తున్నట్లు సమాచారం. అదే సమయంలో ‘జవాన్ 2’ కథపై కూడా అప్పుడప్పుడు చర్చలు జరుగుతున్నాయని, మరోవైపు కమల్ హాసన్, సల్మాన్ ఖాన్లతో మల్టీస్టారర్ ప్రాజెక్ట్ కోసం ఒక స్టోరీ లైన్ సిద్ధం చేసినట్లు కోలీవుడ్ వర్గాల్లో టాక్ వినిపిస్తోంది.
ఇదిలా ఉంటే, అట్లీ తదుపరి తెలుగు సినిమా జూనియర్ ఎన్టీఆర్తో ఉండొచ్చనే వార్తలు కూడా సోషల్ మీడియాలో వైరల్ అవుతున్నాయి. గతంలోనే వీరిద్దరి కాంబినేషన్పై చర్చలు జరిగినట్లు ప్రచారం జరిగింది. ప్రస్తుతం ఎన్టీఆర్ తన కమిట్మెంట్లతో బిజీగా ఉన్నప్పటికీ, భవిష్యత్తులో అట్లీతో సినిమా చేసే అవకాశం ఉందని సినీ వర్గాలు అభిప్రాయపడుతున్నాయి. అన్నీ అనుకూలంగా జరిగితే 2028లో ఈ క్రేజీ ప్రాజెక్ట్ పట్టాలెక్కే అవకాశముందని టాక్ వినిపిస్తోంది.
అయితే ఈ వార్తలపై ఇప్పటివరకు అట్లీ గానీ, ఎన్టీఆర్ గానీ ఎలాంటి అధికారిక ప్రకటన చేయలేదు. అట్లీ టీమ్ కూడా ఈ ప్రచారాన్ని కేవలం ఊహాగానాలుగానే కొట్టిపారేస్తోంది. అయినప్పటికీ, అట్లీ–ఎన్టీఆర్ కాంబోను తెరపై చూడాలని అభిమానులు ఎంతో ఆసక్తిగా ఎదురుచూస్తున్నారు.
ముందుగా ‘రాకా’ ఎలాంటి ఫలితాన్ని అందుకుంటుందనేదే ఇప్పుడు కీలకం. ఆ సినిమా భారీ విజయం సాధిస్తే, టాలీవుడ్లో అట్లీతో పనిచేయడానికి మరింత మంది స్టార్ హీరోలు ఆసక్తి చూపే అవకాశముంది. అయితే ఆయన తదుపరి ప్రాజెక్ట్ ఏది? ఎవరితో? అనే విషయంపై స్పష్టత రావాలంటే అధికారిక ప్రకటన వచ్చే వరకు వేచి చూడాల్సిందే.
Recent Random Post:
