చలనచిత్ర పరిశ్రమలో తనదైన నటనతో పాటు అసమాన సౌందర్యంతో దశాబ్దాల పాటు ప్రేక్షకులను అలరించిన సీనియర్ నటి జయప్రద. తెలుగు, హిందీ చిత్రాల్లో అగ్ర కథానాయికగా వెలిగిన ఆమె, తమిళం, కన్నడ, మలయాళం, బెంగాలీ భాషల్లోనూ నటించి పాన్-ఇండియా స్టార్గా గుర్తింపు పొందారు. రాజకీయాల్లోనూ తనదైన ముద్ర వేసిన జయప్రద, సినిమాలు–రాజకీయాలు రెండింటినీ సమర్థవంతంగా బ్యాలెన్స్ చేసిన సీనియర్ నటిగా మంచి పేరును సంపాదించారు.
ప్రస్తుతం కూడా ఆమె సినిమాల్లో కొనసాగుతూ, ఏ భాషలో అవకాశం వచ్చినా నటిస్తున్నారు. మంచి పాత్రలు దొరికితే బుల్లితెరను కూడా కాదనకుండా పనిచేస్తున్నారు.
ఈ నేపథ్యంలో, 17 ఏళ్ల తర్వాత జయప్రద బెంగాలీ చిత్ర పరిశ్రమలోకి రీ ఎంట్రీ ఇవ్వడం విశేషంగా మారింది. కోల్కతా సినీ పరిశ్రమలో రూపొందుతున్న ఓ కొత్త బెంగాలీ చిత్రంలో కీలక పాత్రకు ఆమె గ్రీన్ సిగ్నల్ ఇచ్చారు. ఈ ప్రాజెక్ట్ ద్వారా ఆమె మళ్లీ బెంగాలీ ప్రేక్షకుల ముందుకు రానున్నారు.
కంటెంట్ ఆధారిత చిత్రాలకు ప్రసిద్ధి చెందిన బెంగాలీ సినిమాలో, జయప్రద పాత్ర ఎంతో ప్రాధాన్యతతో కూడుకున్నదిగా తెలుస్తోంది. నటనకు మంచి స్కోప్ ఉన్న పాత్ర కావడంతోనే ఆమె ఈ ప్రాజెక్ట్ను అంగీకరించినట్లు సమాచారం.
జయప్రదకు బెంగాలీ సినీ పరిశ్రమతో ఎంతోకాలం అనుబంధం ఉంది. గతంలో ఆమె నటించిన బెంగాలీ సినిమాలు అక్కడి ప్రేక్షకులను విశేషంగా ఆకట్టుకున్నాయి. బెంగాలీ సంస్కృతి, భాషపై ఆమెకు ప్రత్యేక గౌరవం ఉంది. దిగ్గజ దర్శకుడు సత్యజిత్ రే వంటి వారు కూడా జయప్రదను భారతీయ సినీ పరిశ్రమలో అత్యంత అందమైన నటిగా ప్రశంసించిన సంగతి తెలిసిందే.
ప్రస్తుతం బెంగాలీ సినిమా వైవిధ్యమైన కథలతో ముందుకు సాగుతోంది. వాస్తవికతకు దగ్గరగా ఉండే కథలు, బలమైన పాత్రలు ప్రేక్షకులను ఆకట్టుకుంటున్నాయి. ఈ మారుతున్న సినీ వాతావరణంలో జయప్రదలాంటి అనుభవజ్ఞురాలు భాగమవడం సినిమాకు మరింత విలువను తెస్తుందని భావిస్తున్నారు.
సీనియర్ నటీనటులకు సరైన ప్రాధాన్యత కలిగిన పాత్రలను అందించడంలో బెంగాలీ దర్శకులు ఎప్పుడూ ముందుంటారు. జయప్రద ఇతర వ్యాపారాల్లో బిజీగా ఉన్నప్పటికీ, నటనపై ఉన్న మక్కువ మాత్రం ఏమాత్రం తగ్గలేదని ఈ నిర్ణయం మరోసారి నిరూపిస్తోంది.
జయప్రద బెంగాలీ చిత్ర పరిశ్రమలోకి తిరిగి రావడం కేవలం అభిమానులకే కాకుండా, సినీ ప్రేమికులకు కూడా మంచి శుభవార్తగా నిలిచింది. ఆమె రాకతో ఈ ప్రాజెక్ట్కు జాతీయ స్థాయిలో గుర్తింపు లభించే అవకాశం ఉంది. వెండితెరపై ఆమె మరోసారి తన నటనతో ఎలాంటి మాయ చేస్తారో చూడాలని ఇండస్ట్రీ ఆసక్తిగా ఎదురుచూస్తోంది.
Recent Random Post:
