నందిని రెడ్డి దర్శకత్వంలో స్టార్ హీరోయిన్ సమంత నటించిన తాజా చిత్రం మా ఇంటి బంగారం ప్రస్తుతం ప్రేక్షకుల నుంచి మంచి స్పందనను అందుకుంటోంది. శ్రీముఖి, అర్చన, గుల్షన్ దేవయ్య తదితరులు కీలక పాత్రల్లో నటించిన ఈ సినిమా ఫ్యామిలీ డ్రామాగా ప్రేక్షకులను ఆకట్టుకుంటోంది.
సినిమాలో సమంత యాక్షన్ సన్నివేశాల్లోనూ, ఫ్యామిలీ ఎమోషన్స్లోనూ సహజంగా ఒదిగిపోయిందని ప్రేక్షకులు అభిప్రాయపడుతున్నారు. ముఖ్యంగా శ్రీముఖి తన తోడికోడలి పాత్రలో అద్భుతంగా నటించిందని సోషల్ మీడియాలో ప్రశంసలు వెల్లువెత్తుతున్నాయి. మొత్తం మీద సమంత ఈ చిత్రంతో మరోసారి తన నటనతో మెప్పించిందనే టాక్ వినిపిస్తోంది.
వీకెండ్లో విడుదల కావడం, అలాగే పోటీగా పెద్దగా మరో సినిమా లేకపోవడం కూడా మా ఇంటి బంగారంకు బాగా కలిసొస్తోందని ట్రేడ్ వర్గాలు చెబుతున్నాయి. ఇదే సమయంలో సినిమా ఓటీటీ రిలీజ్పై కూడా ప్రేక్షకుల్లో ఆసక్తి పెరుగుతోంది. సినిమా ఏ ఓటీటీ ప్లాట్ఫామ్లో, ఎప్పుడు స్ట్రీమింగ్ అవుతుందనే చర్చ సోషల్ మీడియాలో జోరుగా సాగుతోంది.
ట్రాలాలా మూవింగ్ పిక్చర్స్ బ్యానర్పై సమంత స్వయంగా నిర్మించిన ఈ చిత్రానికి సహ నిర్మాతలుగా రాజ్ నిడిమోరు, హిమాంక్ వ్యవహరించారు. అలాగే రాజ్ నిడిమోరు ఈ సినిమాకు కథ, స్క్రీన్ప్లే అందించడం విశేషం. ఓ బేబీ తర్వాత సమంత–నందిని రెడ్డి కాంబినేషన్లో వచ్చిన ఈ చిత్రం ఇప్పుడు జియో హాట్స్టార్లో స్ట్రీమింగ్కు రానుందని మేకర్స్ టైటిల్ కార్డ్స్ ద్వారా స్పష్టం చేశారు.
సాధారణంగా థియేటర్లలో విడుదలైన సినిమా పాజిటివ్ టాక్ తెచ్చుకుంటే, ఓటీటీ రిలీజ్కు 4 నుంచి 8 వారాల సమయం పడుతుంది. అయితే ఈ సినిమా విషయంలో కూడా దాదాపు రెండు నెలల తర్వాత ఓటీటీలోకి వచ్చే అవకాశం ఉందని అంచనా వేస్తున్నారు. అయితే అభిమానుల డిమాండ్ మేరకు ముందుగానే స్ట్రీమింగ్కు రావచ్చని కూడా చర్చ జరుగుతోంది.
కథ విషయానికి వస్తే, ప్రేమించి పెళ్లి చేసుకున్న తర్వాత సమంత ఒక సంప్రదాయ కుటుంబంలో పెద్ద కోడలిగా అడుగుపెడుతుంది. అదే ఇంట్లో చిన్న కోడలిగా ఉన్న శ్రీముఖి ప్రవర్తనను ఆదర్శంగా చూపిస్తూ, అలాగే ఉండాలని కుటుంబ సభ్యులు సమంతపై ఒత్తిడి తీసుకువస్తారు. ఈ క్రమంలో కోడలిగా కుటుంబంలో స్థానం సంపాదించేందుకు సమంత చేసే ప్రయత్నాలు ఆసక్తికరంగా ఉంటాయి.
అదే సమయంలో సమంత గతానికి సంబంధించిన యాక్షన్ బ్యాక్డ్రాప్, ఫ్లాష్బ్యాక్ సన్నివేశాలు కథకు మలుపు తిప్పుతాయి. ఆమె గతం, కుటుంబం రహస్యాలు, అలాగే తనపై దాడి చేసిన ముఠాతో ఆమె పోరాటం వంటి అంశాలు సినిమాకు హైలైట్గా నిలుస్తాయి. చివరికి ఆమె గతం బయటపడిన తర్వాత కుటుంబం ఆమెను ఎలా స్వీకరించింది అనే అంశం భావోద్వేగంగా చూపించబడింది.
మొత్తంగా మా ఇంటి బంగారం పక్కా ఫ్యామిలీ ఎంటర్టైనర్గా ప్రేక్షకులను అలరిస్తోందని ఆడియన్స్ అభిప్రాయపడుతున్నారు.
Recent Random Post:
