కన్నడ స్టార్ హీరో Shiva Rajkumar తాజాగా చెన్నైలో జరిగిన పెద్ది ప్రమోషన్స్లో భావోద్వేగానికి గురయ్యారు. Ram Charan హీరోగా, Janhvi Kapoor హీరోయిన్గా నటించిన ఈ చిత్రాన్ని Buchi Babu Sana తెరకెక్కిస్తున్నారు. సినిమాలో కీలక పాత్ర పోషించిన శివరాజ్ కుమార్, తన జీవితంలో అత్యంత క్లిష్టమైన సమయంలో చిత్రబృందం అందించిన మద్దతును గుర్తుచేసుకుంటూ భావోద్వేగ వ్యాఖ్యలు చేశారు.
ఈ సందర్భంగా మాట్లాడిన శివన్న, 2024లో తనకు క్యాన్సర్ నిర్ధారణ కావడానికి ముందే దర్శకుడు బుచ్చిబాబు ఈ కథను వినిపించారని తెలిపారు. కథ తనకు ఎంతో నచ్చిందని, అదే సమయంలో రామ్ చరణ్తో కూడా మాట్లాడినట్లు చెప్పారు. అయితే కొద్ది రోజులకే తనకు క్యాన్సర్ ఉన్నట్లు తేలడంతో చికిత్స కోసం అమెరికా వెళ్లాల్సి వచ్చిందని వెల్లడించారు.
ఆరోగ్య పరిస్థితుల కారణంగా తాను ఈ ప్రాజెక్ట్ నుంచి తప్పుకోవాలని భావించినప్పటికీ, చిత్రబృందం మాత్రం తన స్థానంలో మరొకరిని ఎంపిక చేయలేదని శివన్న చెప్పారు. “నేను చేయలేనేమో అనుకున్నాను. కానీ బుచ్చిబాబు, రామ్ చరణ్ మాత్రం ‘సార్.. మాకు మీరే కావాలి’ అంటూ ఎంతోకాలం నా కోసం ఎదురుచూశారు. వారు చూపించిన ప్రేమ, గౌరవం జీవితాంతం గుర్తుంచుకుంటాను” అంటూ భావోద్వేగానికి లోనయ్యారు.
ఇక ఇదే వేదికపై రామ్ చరణ్ కూడా శివరాజ్ కుమార్పై ప్రశంసల వర్షం కురిపించారు. Jailer చిత్రంలో శివన్న చేసిన ప్రత్యేక పాత్రను తాను ఎన్నోసార్లు చూశానని వెల్లడించారు. “స్క్రీన్పై శివన్న కనిపిస్తే అగ్నిపర్వతం పేలినట్టుగా ఉంటుంది. ముఖ్యంగా కారులో సిగరెట్ కాలుస్తూ వచ్చే స్లో-మోషన్ సన్నివేశం ఐకానిక్. ఆయన కళ్లే ఎన్నో భావాలను వ్యక్తపరుస్తాయి” అంటూ చరణ్ తన అభిమానాన్ని వ్యక్తం చేశారు.
కాగా, శివరాజ్ కుమార్ 2024 డిసెంబర్లో అమెరికాలోని మయామిలో బ్లాడర్ సర్జరీ చేయించుకుని క్యాన్సర్పై విజయాన్ని సాధించారు. చికిత్స సమయంలో కూడా తన వృత్తిపట్ల అంకితభావాన్ని కొనసాగిస్తూ కన్నడ చిత్రం 45 షూటింగ్ను పూర్తి చేశారు. ఆ సినిమా తర్వాత ప్రేక్షకుల ముందుకు రానున్న తొలి చిత్రం పెద్ది కావడం విశేషం. ప్రస్తుతం ఆయన Jailer 2 చిత్రంలో కూడా కీలక పాత్ర పోషిస్తున్నారు.
Recent Random Post:
