సినీ బ్యాక్గ్రౌండ్ లేకపోయినా తన కష్టంతో హీరోగా గుర్తింపు తెచ్చుకునే ప్రయత్నంలో ఉన్నాడు పల్నాడు యువ నటుడు Pawan Kalyan Battula. ఆయన హీరోగా నటించిన పురుష: చిత్రం మే 22న ప్రేక్షకుల ముందుకు రానున్న సందర్భంగా పలు ఆసక్తికర విషయాలను పంచుకున్నారు.
తన తొలి సినిమాగానే ఒక మంచి హోమ్లీ మరియు ఫ్యామిలీ ఎంటర్టైనర్ కథను ఎంచుకున్నానని, థియేటర్కి వచ్చే ప్రతి ప్రేక్షకుడికి ఈ సినిమా మంచి అనుభూతిని ఇస్తుందని పవన్ కళ్యాణ్ బత్తుల నమ్మకం వ్యక్తం చేశారు.
తన పేరుకు సంబంధించిన ఆసక్తికర విషయాన్ని వెల్లడిస్తూ, తన తండ్రికి మెగాస్టార్ సినిమాలంటే చాలా ఇష్టమని, అదే అభిమానంతో తనకు ఈ పేరు పెట్టారని చెప్పారు. చిన్నప్పటి నుంచి తనను హీరోగా చూడాలనేది తండ్రి కల అని, కాలేజీ రోజుల్లో స్టేజ్ ప్రోగ్రామ్స్లో పాల్గొన్న తర్వాత తనకూ సినిమాలపై ఆసక్తి పెరిగిందని తెలిపారు.
హీరో అవ్వాలనే లక్ష్యంతో వైజాగ్లో ప్రముఖ నటనా శిక్షకుడు Satyanand వద్ద శిక్షణ తీసుకున్నానని, అక్కడ కొన్ని నెలలు ఉండి నటనలో మెళకువలు నేర్చుకున్నట్లు చెప్పారు.
ఈ సినిమా ఎలా ప్రారంభమైందనే విషయంపై మాట్లాడుతూ, సినిమాటోగ్రాఫర్ సతీష్ ఈ కథను తమ వద్దకు తీసుకొచ్చారని చెప్పారు. కథ విన్న వెంటనే క్షేమంగా వెళ్లి లాభంగా రండి తరహా ఫ్యామిలీ ఎంటర్టైన్మెంట్ వైబ్స్ కనిపించాయని, అందుకే వెంటనే ఓకే చేశామని తెలిపారు.
దర్శకుడు Veeru Vulavala ప్రతి పాత్రకు ప్రాధాన్యత ఉండేలా సినిమాను తెరకెక్కించారని, కేవలం కామెడీ మాత్రమే కాకుండా మంచి భావోద్వేగాలు కూడా సినిమాలో ఉంటాయని చెప్పారు.
షూటింగ్ సమయంలో తాను కొంచెం రిజర్వ్డ్గా ఉండేవాడినని, కానీ దర్శకుడు తనను ఎంతో ప్రోత్సహించి కంఫర్ట్ జోన్ నుంచి బయటకు తీసుకువచ్చారని తెలిపారు. అలాగే Saptagiri, Kasireddy Rajkumar వంటి సీనియర్ నటులు ప్రతి సీన్లోనూ తనకు సపోర్ట్ ఇచ్చారని అన్నారు.
తన సోదరి సరస్వతి గురించి మాట్లాడుతూ పవన్ భావోద్వేగానికి గురయ్యారు. ఈ సినిమా ప్రయాణంలో ఆమె ప్రతి విషయంలో అండగా నిలిచిందని, ఆమె ఇచ్చిన ధైర్యమే తనకు పెద్ద బలం అని చెప్పారు. ఆమె సహకారం లేకపోతే ఈ స్థాయికి వచ్చేవాడిని కాదని తెలిపారు.
ఇండస్ట్రీలోని కష్టనష్టాలు ఈ సినిమా ద్వారా పూర్తిగా అర్థమయ్యాయని చెప్పిన పవన్, ఫ్రెండ్స్ మాస్ యాక్షన్ సినిమాలు చేయమని చెప్పినా తనకు మాత్రం ప్రేక్షకులను నవ్వించడం, మంచి ఫ్యామిలీ ఎంటర్టైన్మెంట్ ఇవ్వడమే ముఖ్యమని స్పష్టం చేశారు.
ఇప్పటికే సినిమా స్పెషల్ షోలు చూసినవారు మంచి స్పందన ఇచ్చారని, మే 22న విడుదలయ్యాక పురుష: ప్రేక్షకులను ఖచ్చితంగా అలరిస్తుందని ఆయన ధీమా వ్యక్తం చేశారు.
Recent Random Post:
